Lau izkina ditu nire oheak, lau aingeruk gordetzen dute nire arima…
Ondoloin hitzak ondo lo egitea opa dela esan nahi du. Haurrek erritual asko izaten dituzte lokartu aurretik: ipuina, abestia, peluxea, argia piztuta… Eta lo sakonean erortzen garen unetik, beste unibertso batean sartzen gara. Egia esan, oso unibertso desberdinak izan daitezke, eta ez dakigu zergatik batzuetan ametsak izaten ditugun eta, beste batzuetan, amesgaiztoak. Zein da zure amesgaizto txarrena? Zein gehien errepikatzen dena? Eta gehien amesten duzun ametsa?
Dokumentuaren akzioak
Agenda
Eva Guerrero: Tierra de nadie
Noiz: 2024/05/18 19:00Non: Durango, San Agustin Kultur Gunea
Tierra de nadie dantza da, ahotsa, zuzeneko musika, atmosfera poetikoak, natura, emakume-animaliak, gorputz arrotzak, soinu oroitarazleak. Aurkitzeko dagoen leku batean murgiltzea da. Leku ezkutu batera bidaiatzea —norberaren barrenera egindako bidaiaren metafora gisa—, eta gorputz honek ezkutatzen dituen mirariak eta piztiak aurkitzea, ozeanoaren punturik sakonenera jaitsiko bagina bezala, edo munduko lurrik urrunenera iritsiko bagina bezala. Aurkakoez mintzo da Tierra de nadie, kontraesanez, hasiera-amaierez, gorputz infinituez eta bazterreko espazioez. Eta hurbiltzeaz eta urruntzeaz, distantziaz, ezkutuan dagoenaz, gorputz bat osatzen duten gorputz ezberdinez, edertasunaz eta itsusitasunaz, basatia denaz. Eta apneez eta korronteez, konkistez eta porrotez, eusteaz eta iragazteez. Baina, beste ezeren gainetik, gorputzaz, gorputzaren lurraldeaz, gorputzaren mugez mintzo da Tierra de nadie. Gorputz neurrigabeaz eta gorputz desordenatuaz.
Mahai-ingurua: Emazteak Pastoralean
Noiz: 2024/05/18 19:00Non: Bastida, Herriko Etxea
Pastoralean emazteen iraganaz, orainaz eta geroaz mintzatzeko mahai-ingurua antolatua da maiatzaren 18an, larunbatean, 19:00etan, Bastidako herriko etxeko Groupama gelan (1. solairuan). Maite Berrogain-Iturbide (idazlea), Itxaro Borda (idazlea), Joana Etxart (idazlea), Xantiana Etxebest (errejenta) eta Pantxika Urruti (errejenta) izanen dira txandaka eta Pantxika Maitiak moderazioa hartuko du.
Organik: Ondoloin
Noiz: 2024/05/18 20:00Non: Leioa, Udaletxea
*Leioako Umore Azoka 2024ren barruan.
ONDOLOIN. Amets gozoetatik amesgaizto gaiztoetara.
Kresala: Hitaz Orhoit
Noiz: 2024/05/18 20:00Non: Leioa, Errekalde Naranjos
* Leioako Umore Azoka 2024ren barruan. Hitaz Orhoit basakeriaren eta zentzugabekeriaren biktima ikusezinen oroimenez sortutako lana da, gehienetan emakumeak protagonista dituena. Pieza subliminala, argia eta aztarna bere errautsetatik berpizten den arimaren babes espiritualerako mantu gisa dituena. Idatzi gabeko alegoriak dituen mundu oso bat, zeinen gure barnean bertikalki murgiltzean -eta hori da gure sortze-modua-, burugabeko basakeria ahazten ez duena.
Mutis: Gorputzen bulkada
Noiz: 2024/05/18 23:30Non: Leioa, Boulevard Udondo 2
* Leioako Umore Azoka 2024ren barruan. “Dantza egiten dugu izerdiaren aitzinamenduan, adarren egarrian, azalaren karraskan taupadaka ari den pultsuarekin. Dantza egiten dugu eta pisua lagatzen dugu, sustraiak hondoratuz, magma sakoneraino zeharkatuz. Basokoak gara dantzan ari garen bitartean, oihartzuna eta maiztasun partekatua daudelako, gure zeluletan eta zuhaitzarenetan. Basoaren, itsasoen, gorputzen bultzada gure bulkada da, oreka bilatzen duen bitartean kaoserako joera duena.” (Aintza Uriarte)
San Roke ezpata-dantza eta soka-dantza
Noiz: 2024/05/19 11:00Non: Deba
Maiatzeko hirugarren asteburuan ospatzen da Debarren eguna. Igandean, San Roke ermitan ezpata-dantza egingo dute 11:00etako mezaren ondoren eta plazan aurreskua aterako dute 12:30ak aldera Gure Kai dantza taldearen eskutik.
Herri kultura eta plaza ikusgarriak Ipar Euskal Herrian: zertan gira?
Noiz: 2024/05/30 18:45 ${linebreak} 2024/05/31 23:55Non: Baiona, Amphi 100 gela
Ohidura herrikoiek badute beren historia, eta ekoizten dituzten gizarteen mirailak dira. Modernizazioaren ikuspegi murritxak ukatuz, Euskal Herrian aspaldiko besta batzuek iraun dute gaur arte eta frangotan arraberritu dira. Pastorala, maskarada, ihauteri, libertimendu, tobera mustra edo kabalkada: plaza publikoa “hartzen” duten ikusgarri horiek sekulan baino biziagoak dira. Haien iraupenak, aldaketak eta arra-deskubritzeak galdera ainitz sorrarazten ditu. Kolokioak hiru helburu dauzka: plaza ikusgarri horieri buruz egina izan diren ikerketetaz pundu baten egitea; gaurko eragileen hitza eta lekukotasunen biltzea eta elkarrizketan jartzea; geroari buruzko gogoeta baten abiaraztea. Ipar Euskal Herriko plaza ikusgarriak dira gogoetaren bihotzean izanen, bertze tokitan iragan esperientzia eta gogoetak gogoan hartuz. Maiatzaren 30, osteguna Maiatzaren 31, ostirala Euskal kultur erakundeak eta Bordeaux Montaigne Unibertsitateak partaidetzan duten Euskal Etnopoloaren zazpigarren kolokioa Baionako Ipar Euskal Herriko goi mailako arte eskolan iraganen da, Amphi 100 gelan.
Korpus-dantzak
Noiz: 2024/05/31 09:00Non: Oñati
Korpus eguna erreferentziatzat hartu eta ondoko ostiral, larunbat eta igandean ospatzen dute Korpus jaia Oñatin. 500 urte baino gehiago duen ohitura da hau eta hiru egunez, dantzariek herriko kaleak eta auzoak zeharkatzen dituzte dantzatuz eta diru eskez. Igandea egun handia den arren, hona hemen 3 egunetako egitaraua: Maiatzak 31 ostirala Ekainak 1 larunbata Ekainak 2 igandea
Korpus-dantzak
Noiz: 2024/06/01 09:00Non: Oñati
Korpus eguna erreferentziatzat hartu eta ondoko ostiral, larunbat eta igandean ospatzen dute Korpus jaia Oñatin. 500 urte baino gehiago duen ohitura da hau eta hiru egunez, dantzariek herriko kaleak eta auzoak zeharkatzen dituzte dantzatuz eta diru eskez. Igandea egun handia den arren, hona hemen 3 egunetako egitaraua: Maiatzak 31 ostirala Ekainak 1 larunbata Ekainak 02 igandea
Korpus-dantzak
Noiz: 2024/06/02 09:00Non: Oñati
Korpus eguna erreferentziatzat hartu eta ondoko ostiral, larunbat eta igandean ospatzen dute Korpus jaia Oñatin. 500 urte baino gehiago duen ohitura da hau eta hiru egunez, dantzariek herriko kaleak eta auzoak zeharkatzen dituzte dantzatuz eta diru eskez. Igandea egun handia den arren, hona hemen 3 egunetako egitaraua: Maiatzak 31 ostirala Ekainak 1 larunbata Ekainak 2 igandea
Dokumentuaren akzioak
