Dokumentuaren akzioak
La Maquiné: ¡Soy Salvaje!
¡Soy salvaje! lanak Mona izeneko neskatoaren istorio kilikagarria dakarkigu. Koko izeneko gorilak hezi du Mona, oihanean. Egun batez, gizakiek bere etxea inbaditu eta suntsituko dute; Mona zibilizaziora eramango dute bertan hezteko, eta Koko zoo batean sartuko dute. Inposatutako mundu berrira egokitu arren, Mona ez da zoriontsu. Ausardiaz eta maitasunez, Koko erreskatatzeko bidaiari ekingo dio.
Planeta babesteak duen garrantziari buruzko gogoeta, baita planetaren edertasuna eta biodibertsitatea zaintzeko neurriak hartzeak, eta bizidunak errespetatzeak eta zaintzeak duen garrantziari buruzkoa ere.
Konpania ezaguna da La Maquiné, eta haur eta gazteentzako kalitatezko ikuskizunak sortzea du helburu. 27 saritik gora eskuratu ditu, besteak beste, hainbat Max sari.
Oraingo honetan, diziplina anitzeko obra bat aurkeztuko digute: kantu lirikoa, musika-tresnak (pianoa, flauta), txotxongiloak, itzalak, objektuak eta proiekzio harrigarriak.
- Artistak: Ángela Cáceres, Noé Lifona
- Konpainia: La Maquiné
- Dramaturgia eta zuzendaritza: Joaquín Casanova, Elisa Ramos
- Aukeraketa musikala: Joaquín Casanova
- Musika: Gyórgy ligeti, Maurice Delage, Bela Bartok,Claude Debussy, José López Montes
- Musika-egokitzapena eta konponketak: José López Montes
Dokumentuaren akzioak
