Olazti: Zamarroak eta Neskak

Larunbatean Olaztiko inauteria ospatzen da, 1992. urtean berreskuratu zena. Inauteriko pertsonaia tradizionalak, Zamar handia, Zamar txikia eta Neskak, herriko kaleetan zehar ibiltzen dira zalaparta atsegina sortzen joareekin. Inauteriko elementurik ezagunenetariko bat Zamarro batzuek daramaten gurdia da. Gurdian lur bustia daramate eta umore onez botatzen diete segizioa ikustera mozorrotu gabe ateratzen direnei. Desfilea San Migel plazan amaitzen da, Olaztiko zortzikoarekin.

Egitaraua

• Otsailaren 25ean, ostiralarekin, Mari Arrokaren antzerkia, 19:00etan, Olaztiko plazan.

• Otsailaren 26an, herri bazkaria egin ondoren, ihoteak ospatuko ditugu: Zamarraundiak, Zamartxikiak, neskak eta Mari Arroka bere suzko igitaiarekin.