Dantzaldiak

Musika eta dantza tradizionalaren moldeetan, gaur egungo herri-dantzaldia eskaintzen du Txertubik. Goxoa, ugaria, eta berritzailea. Beti proposamen berrien bila… dantzaren gozamenerako.

Zertan da berezia Txertubi?

• Soinuaren goxoan: arrabitaz, eskusoinuaz, kontrabaxuaz, eta musikarien trebeziaz, Txertubik soinu berezia ematen du, bereziki goxoa.

• Musikaren ederrean: Euskal Herriko musika tradizionalean, doinu eder eta gutxi erabilitakoak bilatzen ditugu.

• Dantzaren aniztasunean eta berrikuntzan: ohikoa den errepertoriotik haratago, gure etengabeko erronka da dantzarako proposamen berriak ekartzea, dantza plaza aberasteko, beti tradiziozko dantzaren moldeetan. Dantza-menu anitza eta berritzailea eskaini nahi dugu.

Gure errepertorioan:

• Lotuan: baltsa, mazurka, txotisa, polka, habanera, zortzikoa (lotuan, bai!!), irregularrak…

• Soltean: jotak, porrusaldak, fandangoak, arin-arinak.

• Jauziak: ohiko batzuk, eta ez-ohiko moldaketak ere bai.

• Kontradantzak: kadrilean, korruan, bikoteak aldatzen, baltsean…

• Ingurutxoak (gaurkotuta)

• Korruko dantzak

• Joko-dantzak

• Sokan eta irradakan

• Ohiko errepertorioko dantza ezagun batzuk

• Ez-ohiko beste dantza batzuk, plazarako oso egokiak.

• … eta abar (bila eta asmatzen jarraitzen dugu)