Dokumentuaren akzioak
Dantza taldeak etorkizunean mahai ingurua (audioa)
2008/09/30 10:00
Xabier Mendizabal, EDBko lehendakariak gidatu zuen mahai inguruan eta hainbat galdera egin zizkioen gonbidatuei beraien jarduna gidatzeko. Sebas Zamora (Iparraldeko EDB), Mikel Goitia (Andra Mari, Galdakao), Faustino Aranzabal (Kresala, Donostia) eta Jon Maya (Ereintza, Errenteria) aritu ziren hizlari.
Dantza taldeen etorkizuneko erronkak aztertzerakoan hainbat gai sortu ziren eztabaidan: formazioaren garrantzia, taldeen espezializazioa, emanaldiak, atzerriko emanaldiak, e.a. Hona hemen mahai inguruko soinu grabazioa osorik.
Xabier Mendizabal, Mikel Goitia, Faustino Aranzabal, Jon Maya eta Sebas Zamora.
Dokumentuaren akzioak
Erantzun
inork al dezake grabazioaren audio-artxiboa hemen jarri deskargatzeko? mila esker
Ez dut grabazioa entzun. Argazkiarekin nahikoa dut. Neskarik ez dago dantza taldeen etorkizun horretan. Ala gizonek esandakoa bakarrik izango da dantza taldeen etorkizuna? Ya os vale.
Mahai-inguruan gizonezkoak bildu zirelako emakumezkoek ez dute dantza munduan etorkizunik hala? Ez dut uste gizonak bakarrik egoteagatik emakumeek ez dutela etorkizunik edukiko, emakume gehiago dago dantza munduan gizonezkoekin aldenduta... Erantzun zentzugabea
Emakume gehiago dago dantza munduan bai, horregatik oraindik mingarriagoa da horrelako bazterketak ikustea. Euskal dantza taldeetan neskak gara gehiengoa, eta dantza taldeen etorkizunaz hitzegiteko mahai inguru bat antolatu eta denak mutilak deitu. Neskek ez dute ezer esateko ala? Eta etorkizuneko dantza talde horietan neskek zer dantzatuko dute? Xuletinoa dantzatzen utziko diete hitza eta agintea duten mutilek? Erantzun zentzugabe bai... Aurpegia behar da gero!
Ez zen nire intentzioa min ematea, ez zait ondo iruditzen mutilez bakarrik osatutako mahai-inguru bat egitea, baina badirudi zure egoera eta nirea ez dela berdina. Nire dantza taldean neskek zein mutilek dantzatzen dituzte ia dantza guztiak, bai suletinoa, bai zinta dantza eta bai zumarragako ezpata dantza, horrexegatik esan dut esan dizudana, besterik ez sentitzen dut
Egun on denoi.
Atzo gauean, tarte luze bat hartu nuen sillan eseri eta mahai-ingurua entzuteko. Oso-osoa ez, baina ia-ia: ordu eta erdiz, hitzaldia entzuteko patxara hartu nuen. Gaian interesa daukazuen guztioi, hori bera egiten baduzue ez zaizuela damutuko esatera atrebitzen naiz. Ez naiz laburpen bat egiten hasiko, baina besteak beste, formazioaren beharraz, dantzariaren egungo motibazioez (aktuazioak eta irteerak ote diren, edo dantzan egite hutsa, alegia entsaioetara joatea ote den nagusiki), dantza talde bakoitzak bere nortasuna bilatzearen beharraz (dantza talde guztiak molde berekoak ote dira?, zein da bakoitzaren tokia), krisiaz ari garenean zer esan nahi dugun...
Ni oso gustora egon nintzen gauza horiek guztiak entzuten.
Xabier.