Amets eta Oinatz prest dira larunbat honetan Berako Kultur Etxea abenturaz betetzeko. Lizarren gaitaren doinua salbatu nahi badute erraldoiak herriko plazara eraman beharko dituzte bestak heldu aurretik. Arratsaldeko seietatik aurrera ikusgai izanen duzue gurekin batera gozatzeko. Oberenako ttiki eta gaztetxoek parte hartuko dute ikuskizun honetan, Azpilagañako erraldoien, Oberena fanfarrearen eta txalapartarien laguntzaz. Haurrei zuzendutako dantza eta antzerkia batzen dituen ikuskizuna, nahiz helduentzat ere gozagarri izanen den.