Dokumentuaren akzioak
Krakovia dantzarion oroimenean
Ballak eta plazerak
Krakovia, 2014-03-31. Argazkia: Iñaki Zugasti - Dantzan cc-by-sa
2014. urteko martxoaren azken hondarrak dira. Gure nagusiak Europan zehar diren zaldikoei buruzko erakusketa bat egitekoa dela jakin du Poloniako Krakovia hiritik, eta Euskal Herritik dantzara joan behar genukeela sartu zaio kasketan.
Prestatu gara, beraz, Zuberoako maskaradetako zazpi pertsonaiaren talde bat eta txirulajolea, Jose Migel. Arantza eta Iñaki, hamar lagun. Zamaltzaina Jon Iruretagoienak erabiliko du, eta zangoetako haren muskulu bikiak zenbatzen baditugu, orduan dozena bat gara. Behingoagatik, garraio egokia, ostatu ederra, dantzan neurrian egin dugu, eta beste alderdi batzuek ikutu ahal izan ditugu.
Krakoviako Merkatu plaza izugarriak mira eragin digu. Ikasle ugari dabil, asko. Gozoki eta eguneroko beste jatekoekin batera, alkohola saltzen duten alhondiga trazako denda handi batzuek 24 orduz irekita dauzkate. Udaberriaren epelari eguerdian bakarrik igartzen diogu, baina ez gaude alferrik Polonian.
Erakusketaren irekitze-ekitaldian Daria Salamonowska ezagutu dugu. Euskera perfektuan zuzendu zaigu; Krakovian bertan ikasi omen du. Eta egunetako batean Auschwitz-era hurbildu gara. Topikoa: bisitan joanda ere, nekeza iruditu zait sartzen zaren izaki berbera atera ahal izatea leku hartatik. Ulises Hadesen erreinuan sartzen da Auschwitzen, eta etxean bizidun utzi zuen ama, arima mutu ikustera behartzen da goizero-goizero.
Ezagutza beste mota bat ere suerta liteke agian dantza baina, uste ez genuela, ezagutza iturri emankor itzuli zaigu.
Dokumentuaren akzioak
Erantzun
Ballak eta plazerak
Ortzadar-en diska zahar bateko Pelegri aidia aurkeztu zaigu akordura. "Adio ballak (ball-ak, baileak, dantzak) eta plazerak" dio une batean. Ballak eta plazerak. Eta pentsatu dugu dantzak ekarri dizkigun poztasun, lan, buruko minak, irakaspenak, pozak edo dena delakoak kontatu, idatzi egin behar genituzkeela edo idatz genitzakeela. Izenburu orokorra: Ballak eta plazerak.
