Hemen zaude: Hasiera Komunitatea Nafarroako Dantzarien Biltzarra Garazitik Korteseraino 700 dantzari baino gehiago bilduko ditu Nafarroako dantzari egunak

Dokumentuaren akzioak

Garazitik Korteseraino 700 dantzari baino gehiago bilduko ditu Nafarroako dantzari egunak

Hogeita hamasei dantza talde bilduko dira Sakanako herrietan, Lekunberrin eta Irurtzunen larunbat honetan.

NDE14
Ekainaren 14an, 25. Urteurrena ospatzen ari den Orritz dantza Taldeak eta  Nafarroako Dantzarien Biltzarrak antolatutarik, eta Olazti, Altsasu, Lakuntza, Etxarri-Aranatz, Uharte-Arakil, Lekunberri, Arakil eta Irurtzungo udalen laguntzarekin. NAFARROAKO DANTZARI EGUNA ospatuko da.

Festa, aipatutako herrietan hasiko da arratsaldeko 4etan dantza talde ezberdinek eskainiko dituzten ikuskizunekin, modu honetan, herrietako biztanleen laguntza eskertu nahi da. Aurtengo berezitasunen artean dantza autoktonoen jaialdiak daude. Hauetan, Nafarroako herri ezberdinetan gordetzen diren dantzak bildu eta elkarrekin ikusteko aukera izanen da. Etxarrin Sakanako kintoek dantzatzen dituzten zortziko eta ingurutxoak ikusteko aukera egonen da. Lekunberrin berriz, herrialdeko dantza ezberdinez gozatzeko aukera egonen da Ablitas, Zangoza, Arantza eta Iribaseko dantzariekin. Irurtzunen ere Cortes, Luzaide, Garazi, Faltzes, Ituren eta Baztango dantzariak haien emanaldia eskainiko dute.

 

Jaialdiaren ekitaldi nagusian 36 taldeak Irurtzunen bilduko dira, kalejira erraldoi batekin hasi eta herriko plazan ikuskizun handi bat eskainiz, Imozko eskudantza, Luzaideko kontradantzak eta Oliteko jota elkarrekin dantzatuz.

 

Festari jarraipena emateko Lantzeko zortzikoa dantzatzera ikusleak gonbidatuko dituzte eta jarraian Kiki Bordatxorekin dantzaldia izanen da.

 

Bukatzeko dantzari guztiak afarian bilduko dira eta herriko jaietan murgildu.


ANTOLATZAILEAK:
Orritz Dantza Taldea eta Nafarroako Dantzarien Biltzarra.

LAGUNTZAILEAK:
Irurtzun, Olazti, Altsasu, Etxarri-Aranatz, Lakuntza, Uharte-Arakil, Lekunberri eta Arakilgo udalak

 

BABESLEAK:
Laboral Kutxa, Diario de Noticias, Guaixe, Beleixe, Lacturale, Irurtzungo komertzioak, la Mugiroarra, Mank Sakana, Sakana garapen agentzia, Pikuxar Euskal Txokoa.

Dokumentuaren akzioak

2014/06/11 16:25
Amorratzen nago, ezin dudalako joan. NDB edo dantzan.com: aurreikusi duzue bideoan grabatzea, eta gero sarean argitaratzea?
Gabon!
Twitter bidez zuzeneko jarraipena eginen dugu @NDE_2014 kontutik. Ekitaldia grabatuko dugu eta ahal dugun neurrian sareratu ere.

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Nafarroako Dantzarien Biltzarra

Nafarroako Dantzarien Biltzarra

Nafarroako Dantzarien Biltzarra.

1978 urtean sortu zen, Nafarroako euskal dantza taldeen topaleku gisa.
Egun, 68 taldeek osatzen dute NDB, horietatik 38 talde heldu eta 30 dantzari talde txiki. Horretaz gain, hasiberriak diren taldeei laguntza eskeintzen diegu.

 

Hemen topatuko gaituzue:

Euskokultur Mintegia,
Baratzeetako Zeharkalea 2,
Iruña 31014 (Nafarroa)

649 559 854 - 619 009 940

Helbide elektronikoa: