Dokumentuaren akzioak
Jose Lainezi buruzko erakusketa aurkeztuko da Ikerketa Dantzan kongresuan
Gipuzkoako Dantzagunea
Bihar, azaroak 14, abiatuko da Bilbon Ikerketa Dantza kongresua, eta bertan, Gipuzkoako Dantzaguneak, Huarteko Udalarekin eta proiektuaren sustatzailea den Las Negras produkzio-etxearekin batera, Jose Lainezi buruzko Ez dantzatzeko koreografiak erakusketaren aurrerapena aurkeztuko du. Aitzindari baten lana biltzen du Ez dantzatzeko koreografiak erakusketak. 1968an Amsterdametik itzuli eta Anexa eta Yauzkari konpainiekin dantza garaikidearen lehen urratsak eman zituen Jose Lainez-ek Euskal Herrian.
Jose Lainez koreografoaren sormen-prozesu bati buruzko esperientzia eta 40 urtetan egindako lanaren atzera begirakoa da erakusketa, eta aldi berean dantza-pieza bat da, non erakusketa espazioa eszenografia bihurtzen den, objetuak atrezzo, dantzariak ikusle eta publikoa piezaren parte bilakatzen diren. Azaroaren 14tik 16ra Bilbon egingo den Ikerketa Dantzan kongresuan egingo da erakusketaren aurrerapena, eta Bilbon, Bizkaia Aretoa, Euskal Herriko Unibertsitatearen Paraninfoan ikusi ahal izango da.
Dokumentuaren akzioak
Erantzun
Gipuzkoako Dantzagunea
Dantzagunea Gipuzkoako Foru Aldundiak dantzaren ikaskuntza eta sorkuntza prozesuak laguntzeko eta sustatzeko sortutako zerbitzua da. Errenterian du egoitza, Niessen eraikinean.
Kulturaren Euskal Planak dantzaren alorreko lan-lerro nagusitzat jo zuen herrialde bakoitzean dantzarako baliabideak izateko erreferentziazko gune bat irekitzea.
Dantzagunean mota guztietako dantzak, bereziki lantzen direlarik dantza klasikoa, garaikidea eta euskal dantza tradizionalean bildutakoak. Bertatik eskeintzen dira Gipuzkoan dantza jardunean ari diren elkarte, konpainia eta eragileei laguntzeko zerbitzuak eta inguruko lurralde eta erkidegoetako antzeko entitate eta zentruekin elkarlana bilatzen da.
Dantzagunearen lan-lerro nagusiak honakoak dira:
1- Sorkuntza koreografikoa sustatzea, sortzaileei eta taldeei Dantzaguneko aretoak utzita, eta egonaldi-programa bat, Sortutakoak, sustatuta.
2- Sorkuntza-prozesuak laguntzea, aholkularitza artistikoaren bitartez; eta dantzaren sorkuntzaren eta produkzioaren inguruko ikerketa garatzea.
3- Prestakuntza espezializatua ematea, gaur egun Gipuzkoan ematen den formazioa osatzeko, alderdi tekniko-praktikoak eta teorikoak landuta.
4- Dantza hedatzeko formula berriak bilatzea, publikoa sentsibilizatzea eta dantza eskola-programetan sartzea.
5- Dantzarekin zerikusia duten gaiei buruzko informazio eta dokumentazio baliabideak interesa dutenen esku jartzea: eskolak, bekak, audizioak, konpainiak, ikuskizunen ekoizpena, hedabiderako kanalak...
