Jauzien eguna ospatzeko 120 dantzari bilduko dira Altzaiko plazan

Hebentik elkartea (arte herrikoia eta sorkuntza gunea Xiberoan), Aitzindariak euskal dantza talde mauletarra, Berritza Xiberoko kultur elkartea eta Altzaiko herritarak bildu dira Jauzien eguna antolatzeko, Euskal Kultur Erakundearekin (EKE) partaidetzan.

Urriaren 28an, 120 dantzari, horien artean Bardoxeko ‘Barcus’ dantza taldea, 12 herri, 20 musikari eta kantari, izan xirula, ttun ttun, arrabitari elkartuko dira Altzaiko plazan (Altzaiko gelan euria egiten badu). 

Jauzi emanaldia 15:00etan hasiko da Altzaiko plazan, ondotik, Altzaiarrek prestatutako pastetx-taloak dastatzen ahalko dira trago baten inguruan. 

Xiberoko jauzi luzeak, laburrak, zaharrak eta berriak urririk deskubritzeko parada izanen da, baita brale-dantza kantatuak ere, izan zaharrak edo berriak.