Aurreskua Patxi Lopez-en Lehendakari kargu hartzean
Dantzan
Alkondara eta praka zuriekin bai, baina alkondara gerrian kanpotik zuela, gerriko eta abarketetako zinta apaingarri gabe, eta eskuan txapela beltza zuela aritu da dantza aurreskularia. Agurraren doinua ez da txistuarekin jo, oboe batekin baizik.
Politikoki aldaketa iragartzen ari da Patxi Lopez eta protokoloei dagokionez ere badirudi ukitu pertsonala eman nahi izan diola gaurko ekitaldiari. Lehendakari berria dantzaria izan zen bere gaztaroan Portugaleten.
Ondoko bideoan 3:00-5:00 minutu tartean ageri da Gernikako ekitaldian aurresku saioa.