Non dantzatuko duzue uda honetan?

Urtero bezala hainbat euskal dantza talde atzerrian dabiltza dagoeneko nazioarteko folklore jaialdi, truke-bida eta hango eta hemengo festetan dantza emanaldiak eskaintzen. Izegem (Belgika), Saint Malo (Bretaña), Lublin (Polonia), Klatoly (Txekia), Lleida (Katalunia), Boise (Estatu Batuak) edo San Giovanni Rotondo (Italia) dira euskal taldeek uda honetan bisitatuko dituzten herrietako batzuk.

Etxepare Institutuak Basque Dance marka kanpoan sustatzeko asmoa erakutsi aurretik hamarkadak zeramaten zeregin horretan euskal dantza taldeak, eta orain ere, inolako diru-laguntzarik gabe gehienetan horretan segitzen dute. Nora zoazte zuek dantzara udan honetan? Hona dagoeneko ezagutu ditugunak.

Eskola Dantza Taldea (Donostia): Izegem (Belgika)

Ekainaren 30etik uztailaren 8a bitartean izan ziren Donostiako Eskola Dantza Taldeko kideak Belgikan, Izegemeko folklore Jaialdian.

Haritz dantza Taldea (Elgoibar): Saint Malo (Frantzia)

Elgoibartarrek Frantziarako bidea hartu dute aurten gurean azaldu zutenez. Uztailaren 5etik 13ra bitartean Bretainiako Saint Malo herriko Folklores du monde jaialdian izan dira euskal dantzak erakusten.

Itxas-Alde Dantza Taldea (Bakio): Klatoly (Txekia)

Klatovyara, Txekiara abiatu ziren Bakioko Itxas-Alde taldeko kideak uztailaren 8an.

Elai-Alai dantza Taldea (Portugalete): Lleida (Katalunia)

Ekainaren amaieran, Portugaleten Nazioarteko Jaialdiarekin hasi aurrekin joan ziren Elai-Alai dantza taldekoak Katalunia aldera. Bertan, Dansáneu jaialdian parte hartu zuten, dantzaren bitartez Pirinioetako herriak batzen dituen jaialdian.

Ortzadar (Iruñea): Boise (Estatu Batuak)

Uztailaren 28tik abuztuaren 2ra bitartean ospatuko da Boisen aurtengo Jaialdi festa eta bertan izango da Iruñeko Ortzadar dantza taldea.

Meatzaldeko Harrigorria: Bretaña (Frantzia)

Uztaila amaieran Pommerit-le-Vicomten, Bretainian, izan dira Meatzaldeko Harrigorria taldekoak.

Alkartasuna (Pasai Antxo): Rio (Portugal)

Portugalgo Barcelinhos herrian, Rio-ko Jaialdian, daude Pasai Antxoko Alkartasuna dantza taldeako kideak abuztuaren 5a arte. Beraiek dantzan.eus-en egindako sarreran azaldu dutenez, Euskal Herriko ordezkaritzaz gain, Mexiko, EEBB, Txina, Eslobakia, Senegal eta Taiwaneko taldeak ere bertan dira.

Lurra (Urretxu): Vigo (Pontevedra)

Uztailaren 24an abiatu dira Lurra Dantza Taldekoak Vigo aldera.

Udaberri (Tolosa): San Giovanni Rotondo (Italia)

Tolosako dantza taldeko 30 kide abiatuko dira Italia aldera abuztuaren 5etik 15a bitartean bertan izateko. San Giovanni Rotondo herriko Nazioarteko Folklore Jaialdian parte hartuko dute tolosarrek.

Alkartasuna (Bermeo):  La Reole (Frantzia)

Uztailaren 25a eta 26a artean Frantziako La Reole herriko Planetfolk jaialdian izan dira bermeotarrak. Jaialdiaren 30. urteurrenean parte hartzeko aukera izan dute horrela.

Eraiki Dantza Taldea (Behobia): Lublin (Polonia)

Uztailaren erdialdean Lublinen, Polonian zian dira Behobiako dantzari gazteak.

Oberena dantza taldea (Iruñea): Viena (Austria) 

Erantzunetan Iker Tubiak jakinarazi digunez Oberena dantza taldea Austriara doa. Abuztuaren 11an atera eta 17an itzuliko dira, eta Vienan emanaldia hilaren 14an eskainiko dute.

Aritz Berri dantza taldea (Arrigorriaga) Sarvar (Hungaria)

Aurtzaka eta Ortzadar dantza Taldeak (Beasain): Sant Vincenç dels Hors (Katalunia)

Uztailaren 24tik 26ra bitartean Katalunia aldean izan ziren beasaindarrak. Bertan Goierriko Gure Esku Dagoren ordezkaritza batekin batera giza dorrea egin zuten dantzariek.

Gaztedi Dantza Taldea (Bilbo): Rinimi (italia)

Italiako Rimini hiria dantzan jarri zuten bilbotarren uztailaren 31tik abuztuaren 8a bitartean.

Akelarre (Hendaia): Viana do Castello (Portugal)

Abuztuaren 3tik 7ra bitartean Viana do Castellon izan ziren Akelarreko dantzariak.

Eta zuek? Non dantzatu duzue uda honetan? Utzi zuen erantzuna azpian!