Kutxaren Fototekako eta Aranzadiren bildumak GureGipuzkoan

Dantzan Dantzan
2010/06/03
Kutxaren Fototekako eta Aranzadiren bildumak GureGipuzkoan

Gipuzkoako Foru Aldundiak, Kutxak eta Aranzadi Zientzia Elkarteak bat egin dute ondarea ezagutzera emateko proiektu honetan, eta horri esker izugarrizko altxorra dugu orain denon eskura. Aranzadi Zientzia Elkarteak bere sortzaile izandako Jesús Elósegui Irazustaren 15000 argazkiz osaturiko bilduma CC-BY-SA baimenpean jarri du Foru Aldundiaren eskura, eta Kutxako Fototekak aldiz, Car eta Marín Funtsetatik aukeratutako 5000 argazki jarri ditu erabiltzaileen eskura, hauek ere CC-BY-SA lizentziarekin.

Baserriak, mendiak, kirolak, kultura, hirigintza,... argazkietan XX. mendeko Gipuzkoara hurbiltzeko aukera bikaina eskaintzen dute. Eta dantza ere bai, noski. Mende hasierako hainbat dantza irudi eder dituzte bi fondo horiek. Batzuk ezagunak, maiz erabili direlako (Azkarateko inauterietako argazkia Juan Garmendi Larrañagaren inauterien inguruko liburuan argitaratutakoa da adibidez) eta beste batzuk ezezagunagoak. Aurreko iragarpenean Elosegiren bildumako zenbait irudi ikusi genituen eta hona orain sareratu berri diren bi fondoetako dantza irudi batzuk:

1933-02-26_Calle-rondilla-Jesus-Elosegui-1021719_o.jpg

Donostia, Rondilla kalean dantza, 1933an. CC BY-SA: Elósegui Irazusta, Jesús GureGipuzkoa.net

 

1938-10-22_Eresoinka-Jesus-Elosegui-1021071_o.jpg

Eresoinka ensaioak, 1938 urtean. CC BY-SA: Elósegui Irazusta, Jesús GureGipuzkoa.net

 

1941-07-07_Azkarate-ingurutxoa-Jesus-Elosegui-1014952_o.jpg

Ingurutxoa Azkaraten, 1941 urtean. CC BY-SA: Elósegui Irazusta, Jesús GureGipuzkoa.net

 

1942-08-29_Tolosa-Pujana-1015557_o.jpg

Dantzariak Tolosan, 1942. urtean, Jose Lorenzo Pujanaren gidaritzapean. CC BY-SA: Elósegui Irazusta, Jesús GureGipuzkoa.net

 

1930_Andoain-goiko-plaza-Pascual-Marin-1024229_o.jpg

Soka-dantza Andoain-en, 1930 urtean. CC BY-SA: FONDO MARIN. PASCUAL MARIN Kutxa Fototeka -  GureGipuzkoa.net

 

1922_Tolosa-bordon-dantza-pascual-marin-1023198_o.jpg

Bordon-dantza Tolosan, 1922 urtean. CC BY-SA: FONDO FOTO CAR. RICARDO MARTIN - Kutxa Fototeka - GureGipuzkoa.net

 

1932_Zumarraga-Antio-Pascual-Marin-1025027_o.jpg

Aurreskua Zumarragan 1932. urtean. CC BY-SA: FONDO MARIN. PASCUAL MARIN - Kutxa Fototeka - GureGipuzkoa.net

 

1936_dantzariak-Pascual-marin-1025053_o.jpg

Arku-dantzariak 1936. urtean. CC BY-SA: FONDO MARIN. PASCUAL MARIN - Kutxa Fototeka - GureGipuzkoa.net

 

1939_Donstia-Euskal-Jaiak-Pascual-Marin-1025755_o.jpg

Euskal Jaiak Donostian, 1939. urtean. CC BY-SA: FONDO MARIN. PASCUAL MARIN - Kutxa Fototeka - GureGipuzkoa.net

 

1941_Donostia-La-Perla-Pascual-Marin-1025834_o.jpg

Donostia, La Perla, 1941. CC BY-SA: FONDO MARIN. PASCUAL MARIN - Kutxa Fototeka - GureGipuzkoa.net

 

Xabier Eskisabel
Anonimoak
2010/06/03 20:10

Perlan ateratakoa, bai "perla" xelebrea.

Oier Araolaza
Anonimoak
2010/06/03 22:52

Bai, benetan "perla" da! Bide batez, zorionak egiten ari zareten lanagatik eta eskerrak denon eskura jarritako perla guzti hauengatik! Orain urte batzuk ibili nintzen Kutxa Fototekan dantza argazkiak biltzen, baina garai horretan oraindik eskaneatzeke zeuden eta digitalizatzeko eskatzen zenuen argazki bakoitza ordaindu behar zenez, tonto tontoan dirutza ederra (niretzat hala zen behintzat) ordainduta ekarri nituen hainbat argazki eder. Baina geratu ziren guztiekin asko akordatzen nintzen eta poz handia da azkenean denon eskura, eta dohain, jartzen hasi direla ikustea. Zorionak eta eskerrikasko!