Dokumentuaren akzioak
Dantzaren arrastoak Argiak guztion eskura jarri berri duen fototekan
Dantzan
Argia dantzari taldea Kondharian ikuskizunerako entseatzen, Urnieta, 1997. Argazkia: Argia Fototeka CC BY-SA
Dantza irudi zaharrak, emanaldiak, jaialdiak, entseguak, dantzarien erretratuak... ageri zaizkigu Argia hedabidearen fototekan; azken hamarkadetako Euskal Herriko dantza jardueraren lekuko.
Dantza irudi horiek guztiak Argiak ireki berri duen fototeka publikoaren parte dira. Argiak bere artxibo fotografikoaren zati handi bat jarri du sarean, eta gaur egun 100.000 argazki baino gehiago daude kontsultagai.
Argazkiak hamarkadetan zehar Argiako argazkilariek egindako lanaren emaitza dira, eta Euskal Herriko gizarte, kultura eta mugimendu sozialen hainbat une jasotzen dituzte. Tartean, dantzari eta dantza talde askoren irudiak aurki daitezke: dantza emanaldiak, jaialdietako uneak, kale eta plazetako giroa, dantzarien aurpegiak edo dantzari lotutako beste zenbait jarduera.
Fototeka ireki honek aukera ematen du irudiak bilatu, arakatu eta deskargatzeko. Dantzaren inguruan ikertzen, irakasten edo dantzan ari direnentzat, azken urteetako dantza jardueraren memoria bisuala osatzeko baliabide interesgarria izan daiteke. Bilatzailean “dantza” sartu eta gozatu!
Argazki gehiago: Argiaren fototekan.
Dokumentuaren akzioak
Erantzun
