Lau izkina ditu nire oheak, lau aingeruk gordetzen dute nire arima…
Ondoloin hitzak ondo lo egitea opa dela esan nahi du. Haurrek erritual asko izaten dituzte lokartu aurretik: ipuina, abestia, peluxea, argia piztuta… Eta lo sakonean erortzen garen unetik, beste unibertso batean sartzen gara. Egia esan, oso unibertso desberdinak izan daitezke, eta ez dakigu zergatik batzuetan ametsak izaten ditugun eta, beste batzuetan, amesgaiztoak. Zein da zure amesgaizto txarrena? Zein gehien errepikatzen dena? Eta gehien amesten duzun ametsa?
Dokumentuaren akzioak
Agenda
Erakusketa: Emazteak
Noiz: 2024/05/13 09:00 ${linebreak} 2024/05/24 23:55Non: Bastida, Herriko Etxea
Maiatzaren 13tik 24ra, Bastidako herriko etxeko erakusketa gelan, "Emazteak" erakusketaren zati bat ikusgai izango da. Euskal Herriko hamar emakume esanguratsuen erretratuak aurkeztuko dira, horien artean Pantxika Urruti, Itxaro Borda eta Bastidan bertan plazaratuko den Inesa Gaxen pastoralaren errejenta, idazlea eta sujeta, hurrenez hurren. Sarrera librea izango da astelehenetik larunbatera 09:00etatik 12:30era eta 14:00etatik 17:30era.
La Glo: Perspectivas
Noiz: 2024/05/17 00:30Non: Leioa, Kultur Leioa
* Leioako Umore Azoka 2024ren barruan. PERSPEKTIBA, ikuspegi fisiko zein emozional gisa, gure bizitzetan aurre egin behar diogun zerbait da; jaiotzen garenetik hiltzen garen arte. Izaki bizidunok garapen fisiko eta mental konplexua eta, kasu batzuetan, zabala zeharkatzen dugunez, ulertzekoa da gure perspektiba behin baino gehiagotan aldatzea gure bizitzan zehar. Bizitzako lehen urteetan mundua altuera desberdinetatik ikustea eragiten duen maila fisikoko hazkundetik abiatuta, egoera berak eå©z du efektu bera izango gure bizitzako etapa guztietan. Esperientziek zenbait kontzeptu pixkanaka aldatzen dituzten elementuak ekartzen dizkigute eta, horrek, ezinbestean, ingurunea ulertzeko eta inguratzen gaituzten gertakarien aurrean erreakzionatzeko modua aldatzea dakar.
Dab: Noeud
Noiz: 2024/05/17 18:00Non: Leioa, Errota
* Leioako Umore Azoka 2024ren barruan. NOEUD, frantsesez korapilatua, Eduardo Chillida eta Cristóbal Balenciagak amankomunean zituzten lan metodologietan esplorazio bat da. Irudi lerromakurrak eta espazioen sorkuntza kontzeptuak dira, garaiko mugimendua askatasunerantz bideratu zutenak, bizi izan zuten garaia kontuan hartuz
Organik: Ondoloin
Noiz: 2024/05/17 18:00Non: Leioa, Udaletxea
*Leioako Umore Azoka 2024ren barruan.
ONDOLOIN. Amets gozoetatik amesgaizto gaiztoetara.
Kukai: Txalaparta
Noiz: 2024/05/17 19:30Non: Hernani, Biteri Kultur Etxea
Txalaparta entzutea eta partekatzea da; Txalaparta transmisioa eta topaketa da; Txalaparta norberarengandik hasita kolektibitatea sortzea da... Txalaparta Kukai Dantza taldearen sorkuntza-lan berria da. Cesc Gelabert, Marcos Morau eta Sharon Fridman sortzaileekin batera arrakastaz lan egin ondoren, Kukai Dantzak abentura berriari heldu dio, oraingoan Jesús Rubio Gamo koreografo madrildarraren eskutik.Txalaparta antzezlanak musika tresna horrek gorputzarekin duen harremana ulertzeko modu bat adierazten digu; norberarengandik hasita kolektibora igarotzeko modua, gure barnean gordeta dugun memoria gaur garenarekin harremanetan jartzen duen begiratzeko modua.
Gasteiz Dantza Plazan
Noiz: 2024/05/17 20:00Non: Gasteiz, Florida Parkea
Dantza plazan ekimenaren beste data batzuk: Ordua: 20:00etan ( maiatza eta ekaina); 19:30etan ( iraila).Udal Folklore Akademiak dantzaren zentsu ludikoaz gozatzera gonbidatzen ditu gasteiztarrak. Publikoak dantza tradizional ezberdinak ikasi eta dantzatuz hartzeko aukera izango du.
Km ZERO
Noiz: 2024/05/17 20:00Non: Euskal Pizkundea Etordibea (Mungia)
Mungiako Santos Intxausti Udal Musika eta Dantza Eskolak ikuskizun txiki bat proposatzen deusku Baserritarren omenez eraikitako Estatuaren L. urteurrena ospatzeko. Sinopsia: “Hegaztien txio-doinuak entzuten dira Km ZERO inguruan, bizitza askotarako erreferentzia eta abiapuntu-gunean” Koreografia: Nagore de las Cuevas Alonso / Arkaitz Pascuas Musika: Juan Mari Beltrán Interpreteak: Alaitz Uriarte, Amaia Rosaenz, Ane Da Silva, Ane Rekalde, Araitz Bengoetxea, Arantzazu Bilbao, Asier Muruaga, Bittor Muniozguren, Eider Larrabeiti, Elene Linares, Enaitz Linero, Garazi Pérez, Goizalde Cheliz, Haizea Barcina, Haizene Díaz, Haizene Ortega, Irune Barturen, Izaro Castillo, Izaro Polo, Izaro Uriarte, Joane Orbe, Maider Pildain, Maite Rosaenz, Maren Irazola, Nahia Ormaza, Uxue Varela. Iraupena: 35' Soinuztapena: Jira Musikaz Koordinazio Administratiboa: Izusko Izagirre / Izaskun Legarreta Irudiak eta Bideoa: Mungiako Santos Intxausti Udal Musika eta Dantza Eskola
Oihana Varela: Plañideras
Noiz: 2024/05/17 20:00Non: Andoain, Bastero Kulturgunea
Performance dantza bat da bere gai nagusiarekin, gizartean dagoen gehiegizko kexa eta iritzia, eta historian zehar nola iraun eta eboluzionatu duen. Horretarako, negar-kantari pertsonaia aukeratu dugu istorio hau kontatzeko.
Mintzaldia: Ttunttuneroen gizartea
Noiz: 2024/05/17 20:30Non: Itsasu, Gaztetxea gela Atharri
Dantzarako soinularien historio bat. Hitzaldi hortan aipatuko dugu Ipar Euskal Herriko soinulari edo soinü egileen historio soziala. Lehenagoko lekukotasunak eta artxibo materiala erabiliz, behatuko dugu denboran zehar nola beiratu eta/edo aldatuz joan diren soinu tresnak berak, soinularien betebeharrak bai eta soinulariek gizartean zuten tokia. Hitzaldiaren oinarri den ikerketa Lapurdi eta Baxenabarren eremana izanik ere, xiberutar adibide eta ikerbide zonbeit aipatuko ditugu bide nabar. X. Itzaina Itsasuarra soinularia da bera, bai eta CNRS-an ikerlari da Sciences Po Bordeaux-ko Emile Durkheim zentroan. “La société du tambourin” liburua atera berri du.
NODE: Batu zuzenean
Noiz: 2024/05/17 21:30Non: Leioa, Boulevard
* Leioako Umore Azoka 2024ren barruan. BATU gure ondarearen, orainaren eta etorkizunaren aldarrikapena da. Bi dantzarien mugimenduak eta gorputzek belaunaldien joan-etorria irudikatzen dute. Begirada etorkizunera jarria, jauzi egin eta argitasunez bete gaitzan. Lourdes Iriondoren kantutegia, tradizioaren eta modernitatearen artean doa, espazio publikoetan kantua berreskuratuz. Zuzeneko musika antzinako soinuetatik, adarretatik, txistutik eta txalapartatik, soinu garaikideetaraino doa, olerkiak hitza sortuz. Jantziek euskal jantzi tradizionalak errebisitatzen eta omentzen dituzte. BATUk, izan ginena, garena eta izango garena batzen ditu testuinguru artistiko berean. Gure sustraiak ahaztu gabe, gure etorkizuna ospatzen du denboran zehar egindako bidaian. BATU dezagun.
Dokumentuaren akzioak
