Agenda

Hernaniko XXVI. Dantzari Astea

Noiz: 2024/05/04 18:00 ${linebreak} 2024/05/11 23:55
Non: Hernani

Ostiralak dantzan

Noiz: 2024/05/10 17:00
Non: Donostia, Ernest Lluch K.E.

Programaren etapa berrian saioak ostiraletan izango dira. Plus 55eko agendatan jakinaraziko dira hurrengo data eta tokiak.

Helburua dantzatzea, abestea, barre egitea eta gozatzea da.

Gehiago irakurri

Sara Calero: La Finitud

Noiz: 2024/05/10 20:00
Non: Santurtzi, Serantes Kultur Aretoa

Dantza flamenkoa

"Eguna gauaren zain galtzen dugu, eta gaua egunsentiaren beldur" (Seneka)

Gizakia da bere finitasunaz jabetzen den izaki bakarra. Baldintza horrek heriotza bizitzarekiko itun bihurtzen du. Eta alderantziz. Iragankortasun-kontzientzia bat, hizkuntza, pentsamendua, zorigaitza edo alaitasuna bezalako ahalmenak eta emozioak zehazten dituena. Baina iragankortasunetik sortzen den larritasun primitibo horrek, hala ere, zoriontasunaren sekretua gordetzen du.

Sara Calerok gizakiaren existentziaren alderdi agian erabakigarrienari buruzko gogoeta eszeniko interesgarri horri heltzen dio, eta aparteko hiru musikarirekin batera egiten du: Gema Caballero kantaria (taldeko musika-zuzendaria ere badena), Javier Conde gitarrista eta Juanfe Pérez baxu-jotzailea. Horrela, Sara Calerok urrats berri bat eman du dantza espainiarrari eta flamenkoari buruzko ikerketa etengabean, originaltasunez, adimenez eta sormenez betetako kontakizunen zerbitzura dauden hizkuntza bizi gisa.

Gehiago irakurri

Dididen.cia: B iperdestrucción

Noiz: 2024/05/10 20:00
Non: Corella, Kulturunea

*DNA 2024 jaialdiaren barruan

Bi izaki aspertu egin dira bi oinen gainean ibiltzeaz. Beste unibertso batetik iritsi izan balira bezala, jostatuko dira Lurrean zoriontsu mugitzeko modua bilatzera. Oinez jarraitzeko modu bakarra izanen da, gure bi oinez gain, gure lagunen gainean sostengatzea. Bipedestrucción proiektuak bilatzen du adin guztietako ikusleei (batez ere haurrei) zuzendutako proposamen eszeniko bat sortzea. Umore zertzeladak ditu proposamenak, eta pentsarazten digu: “nor naiz? zer izan nahi dut?

Gehiago irakurri

Gasteiz Dantza Plazan

Noiz: 2024/05/10 20:00
Non: Gasteiz, Florida Parkea

Udal Folklore Akademiak dantzaren zentsu ludikoaz gozatzera gonbidatzen ditu gasteiztarrak. Publikoak dantza tradizional ezberdinak ikasi eta dantzatuz hartzeko aukera izango du.

Dantza plazan ekimenaren beste data batzuk:

Maiatzak: 17, 24 eta 31
Ekainak: 14 eta 21
Irailak: 6 eta 13

Ordua: 20:00etan ( maiatza eta ekaina); 19:30etan ( iraila).

Gehiago irakurri

Dinamo Danza: Luz Negra

Noiz: 2024/05/10 20:30
Non: Tafalla, Kulturgunea

*DNA 2024 jaialdiaren barruan

Argia da mundua ulertzeko informazio mezulari nagusia, eta, hala ere, unibertsoko erakunde enigmatikoenetako bat da. Giza begiaren bidez ikus daitekeen argi zerrenda gizakiak ezagutzen duen espektro osoaren zati txiki bat baino ez da. Argi beltza proposamen koreografiko bat da, ikusten ez dugun argia aipatzen duena, hau da, egon dagoen eta ikusgaiari zentzua ematen dion zati ikusezina. Zientziak eta arteak elkarri eskua ematen diote argiaren izaera fisikoan inspirazioa bilatzeko, eta eguneroko fenomenoen poetikarekin jolasteko, egunerokotasunagatik oharkabean pasatzen baitira

Gehiago irakurri

Dantzan Topaketak 2024

Noiz: 2024/05/11 09:30
Non: Eibar, Markeskoa UEU

2024ko Dantzan Ikasi Topaketak maiatzaren 11n, larunbata. Eibarko UEUren egoitzan izango da aurtengoan dantzarion elkargunea. Ezagutza, kezkak, gatazkak, helburuak, asmoak, erronkak... trukatu eta elkarrekin hausnartzea da asmoa, aurrera begirako giltza eta gakoak bilatu asmoz.

Euskal dantzaren inguruko dantzari, irakasle, begirale, dantzazale, ikertzaile, aditu eta arituei zuzendutako topaketak dira, eta egun, gure sektoreari zuzenki eragiten dioten gaiei eta eguneroko jardunean aurkitzen ditugun egoera eta auziei helduko diegu.

Dantzan Ikasi Topaketak 2024 Egitaraua

9:30 Harrera eta ongi-etorria

10:00 Euskal dantza, euskaldunon gorputz hizkuntza Oier Araolaza (Dantzan)

10:30 Gipuzkoako dantza-maisuen puntuak eta aldairak ...eta orain zer? Mikel Sarriegi (Aurtzaka, Beasain)

11:00 Atsedena eta kafea

Euskal dantza genero ikuspegitik: nondik gatoz eta non gaude?

11:30 Mahai-ingurua: Saioa Zabala (Kemen, Hondarribia-Irun), Josune Zubeldia (Otsolar, Lizartza), Izaskun Beraza (Axeri Dantza, Andoain), Elurre Iriarte (Plazara Dantzara, Baztan). Gidaria: Amaiur Aristi (Dantzan)

Euskal dantzaren belaunaldi berriak. Badatoz gazteak?

12:15 Gazteen Dantza Topaketa (EDB): Uxue Oleagordia (Gazteen Dantza Topaketan dantzarien ordezkaria), Xabier Mendizabal (EDB).

12:45 Gazteen parte-hartzea euskal dantzan: Eder Niño (Laguntasuna, Barakaldo), Jone Garreta, Inhar Torres eta Aritz Ibañez (Duguna, Iruñea), Iurretako dantzariak.

13:30 Etena. Otordua.

Transmisioa euskal dantzan

15:00 Euskal dantza hezkuntza arautuan, titulazio propioaren bila Josu Garate (Dantzerti, Dantzan)

15:30 Euskal dantzaren diploma eta formakuntza? Marie Hirigoien (Iparraldeko kontserbatoria)

16:00 Nola formatzen gara euskal dantzan?

Mahai-ingurua: Mikele Albisu (Antiguotarrak, Donostia), Xabier Gonzalez (Eusko Lorak, Sestao), Patxi Montero (Herrixa Dantzan, Elgeta), Anartz Ormaza (Itxas-Alde, Bakio).

17:30 Topaketaren soka-dantza eta ostekoak.

Dantzan Ikasi Topaketak 2024

Data: 2024ko maiatzak 11, larunbata
Ordutegia: 9:30 – 18:00
Lekua: Markeskoa Jauregia, Eibar
Prezioa: doakoa, plaza mugatuak!
Izen-ematea: Izena emateko egin klik hemen

Gehiago irakurri

Kapela-dantza

Noiz: 2024/05/11 12:00
Non: Legazpi

Santa Kurutz jaietan egiten duten soka-dantzari deitzen zio kapela-dantza. Berezitasuna horixe du, kapela buruan dutela dantzatzen dela.

Sutraiak Dantza Taldeak 1996. urtea berreskuratu zuen ekitaldi hau Legazpiko Santikutz jaien barne kokatzen da. Soka-dantza honetan, herriko txistulari eta trikitilariekin batera, nahi duen guztiak parte har dezake.

Kapela Dantza hau, goizeko 11:00etan hasiko dute hamaiketako batekin, ondoren kalejiran Euskal Herria plazarantz abiatuko dira 12:00ak aldera.

Orain gutxi arte, kapela-dantza maiatzaren 4ean dantzatu izan da. Orain, ordea, egun hori jadanik ez da jaieguna Legazpin eta azkenaldian kostata lortu dituzte dantzariak. Horregatik, eguna aldatzea erabaki zuten eta orain kapela-dantza Mirandaola egunaren bezperan dantzatzen da. Mirandaola egun hori Santikutz egunaren ondorengo igandean ospatzen da.

Beraz, honela ospatzen dituzte Santa Krutz jaiak legazpiarrek:

Maiatzak 3: ezpata-dantza eta soka-dantza.
Maiatzak 11: kapela-dantza.
Ondoko igandea: Mirandaola eguna (ezpata-dantza).

Gehiago irakurri

Bertzijanako Ama Birjinaren kate-dantza

Noiz: 2024/05/11 12:00
Non: Ekora

Santo Domingo jaien baitan egiten da Ekoran Bertzijanako Ama Birjinaren kate-dantza. Santo Domingo egunaren (maiatzak 12) aurreko larunbatean dantzatzen dute eta abuztuaren ere hirugarren larunbatean egiten da dantza hau.

Bertzijanako ermitatik San Juan parrokiaraino egiten da prozesioa eta bidean zehar, lau tokitan dantzatzen da Bertzijanako Ama Birjinaren katearen dantza, azken aldi hau meza aurretik eliza aurrean egiten delarik.

Gehiago irakurri

Leire Amonarriz: HizkidantzA

Noiz: 2024/05/11 12:00
Non: Hernani, Biteri Kultur Etxea

HizkidantzA hitzen, soinuen eta zizakaduren arteko dantza bat da, haurren irudizko unibertsora eramango gaituena. Jolas eszeniko gozagarri baten bidez, hiru antzezlek errealitatearen eta fantasiaren arteko zubiak eraitzen dituzte. Haien interakzioak aditzera ematen du hizkuntzak musika gisa funtzionatu dezan, lehendabizi soinua atera behar zaiola, dantzarazi behar dela. Horrela, musikak, dantzak eta poesiak, hizkuntzaren ahozkotasun garbia gure begiekin entzuten lagunduko digute.
“HizkidantzA” hitz-jokoan dantza (nagusiki hitzik gabeko hizkuntza) eta letrak (hizki) lotzen dira, hitzezko komunikazioaren oinarri direnak. Ikerketa eta sorkuntza koreografiko hau harreman horretatik abiatzen da, itxuraz urruna dena, baina, aldi berean, guztiz gizatiarra dena.

FITXA ARTISTIKOA

Zuzendaritza eszenikoa: Leire Amonarriz

Musika zuzendaritza: Elsa Sanchez

Koreografia: Leire Amonarriz

Interpreteak-sortzaileak: Alberto Almazán, Elsa Sánchez, Alicia Chprintzer, Nuria Alaña, Leire Amonarriz

Argazkiak: Luiscar Cuevas

Jantzien eta eszenografiaren diseinua: Ramón Lertxundi, Leire Amonarriz

Kolaboratzaileak: La mínima, Espacio Abierto QM, Asociación Cultural Megaló

Gehiago irakurri

Tresna pertsonalak

Agenda

Dantzan Ikasi Topaketak 2024 Egitaraua

Dantzan Ikasi Topaketak 2024