Agenda

*Iturritik jaialdia 2025

Hasiera batean Gu Agustina ikuskizuna ematea zen asmoa, baina azkenean dantza tradizionalaren inguruko emanaldi bat eskainiko dute.

Ereintza Dantza Taldea 1958an sortu zen, Errenterian (Gipuzkoa). Urte hauetan guztietan, Euskal Dantza tradizionalaren kontserbazio zein transmisioan zentratu da taldea, Euskal Herriko lurralde osoan zehar zein nazioarteko jaialdietan parte hartuz. Oraingo honetan, Ereintza Dantza Taldeak Gipuzkoako eta Otsagabiako (Nafarroa) dantza tradizionalekin osatutako ikuskizuna eskainiko du.

• Dantzariak: Ereintza Dantza Taldea.
• Musikariak: Mikel Oliveri, Andoitz Antzizar, Itziar Etxegia, Iñaki Letamendia, Mikel Ortiz, Edel Telletxea.
• Jantziak: Ereintza Dantza Taldea.
• Materiala: Ereintza Dantza Taldea.

Amanecer alto cielo-k hizkuntzaren zorabioa planteatzen du elementu eszenografiko gisa, bere materialtasunak lotzen dituzten hainbat testu-praktiken bidez. Era berean, ikusmenaren hainbat ezaugarri jorratzen ditu, bai eta horiek gorputzak eta horiei buruzko pertzepzioa nola aldatzen dituzten ere, Lisa Nelson koreografo eta bideoartistak proposatutako begiratzeari buruzko praktika batzuetan oinarrituta. Esku dantza bat dugu begira, begi ukituak eta gorputz ezabatuak.

• Kontzeptua eta koreografia: Nazario Díaz

• Baterako sorkuntza eta performancea: Julián Pacomio, Ibon Salvador, Nazario Díaz

• Laguntza dramaturgikoa: Carolina Campos

• Argiak: Leticia Scrycky

• Ekoizpena: Kurzuth Silverstone, Silvia Coppola

*2025eko Lotura Mekanikoak Performance Zikloaren barne.

"Zuek zaretelako dantza egiten dut nik!"

Horrela hasten zen Mario Maya dantzari eta koreografo handiak 1976an estreinatu zuen Camelamos Naquerar ikuskizuna.

Edo hori uste nuen nik, horrela hasten zela…

Nola ikertu, berridatzi edo berregin inoiz ikusi ez dudan ikuskizun bat? Nola sortu, daukadan materialetik abiatuta? (material hori osatugabea eta nahasia da) Nola iragazi neure gorputzetik, dantzaria naizen aldetik, erakusteko? Edo... are hobeto, neure bizitzatik.

Esan ahal izango nuke?

"Camelamos Naquerar" hitzak "hitz egin nahi dugu" esan nahi du kaloz, beraz… nire oinez, aldakez edo besoez gain, ahots bat izan nezake? Kontatu, idatzi, irakurri eta erakuts nezake ikuskizun hau zeharkatzen duen eta ni hunkitzen nauen materiala?

Zer eginkizun ematen diogu iraganari orainaldian sortzeko? Nola bihurtu hori denboran zehar hausnartzen lagunduko digun tresna kontziente?

Galderak, sorkuntza, gurutzatzen diren materialak, beste leku batzuetara botatzen gaituzten hariak, dantza, musika, testuak... zentzumenen bidez bidaiarazten digun konexioz betetako mundu oso bat.

Née ikuskizunak hunkitu egiten du, gizatiarra dena errotzen du, bakardadea laztantzen du, galera geruzatzen du, desilusioan laguntzen du, desengainua burujabetzen du, ausentzia indartzen du, maitasunaren alde borroka egiten du, ingurukoak birtualizatzen ditu, magiari eusten dio, deabruak uxatzen ditu, bizigabea dena gizatiartzen du, iluntasunetik itzularazten du, irudimenari eraso egiten dio, beldurrak bereizten eta antolatzen ditu, airea zeharkatzen du, ahalegina egiten du.

Née bakardadeari, maitasunari, ausentziari buruzko ikuskizuna da.
Modu dotorean eratzen da zaratatik urrundutako bidaia, lehenengo pertsonan kontatua, hausnartua eta eraldatzailea.

Née bakarlana da, eta nire buruaren narratzaile izateko premiatik sortu da.

Née ikuskizunean, bere narrazio-geruzen sakontasunean, sormen-forma eszeniko ezberdinak katalizatu dituzten eta ikusleari lotura emozional bat, giza ahotsaren esentziarekin bat egiten duena, ematen dioten benetako gertaerak bizi dira. Kontaketaren lekuak hunkitzen du, ez hainbeste kontatzen denak; gertaera jada ordenatuta dago, bizitza asimilatuta, onartuta eta gaindituta dagoen bezala. Baina bidaia amaieratik kontatzen da, eta amaiera horrek eusten dio bizitzari. Née irakaspen gisa jaio da, saminetik sortu da, eta edertasuna ekartzen du gogora.

• Antzezlea: Igor Calong

• Zuzendari-laguntzailea: Gabriel F

• Koreografia-laguntzailea: David Candela

• Argi-diseinua: Sergio García

• Jantziak: Xabier Mujika

• Eszenografia: Igor Calonge

• Banaketa, ekoizpena: Beatriz Churruca

• Zuzendaria: Igor Calonge

• Laguntzailea: Eusko Jaurlaritza

• Kolaboratzailea: Dantzagunea-Gipuzkoako Foru Aldundia, Donostia Kultura-Egia Kultur Etxea