Agenda

*Haziaraba 2025 jaialdiaren barruan.

Gorputzak oihalekin eta airearekin egiten duen mugimenduaren bidez dantza jariarazi. Hori da Ehuna obrak inspiratzen duen ideia. Cristobal Balenciagaren sormen-unibertsoa haurtzaro txikirako proposamen baten abiapuntua da, eta gorputzak ehunen eta arropen bidez mugimenduarekin duen harremana aztertzen du.

Amama batek ipuinak kontatzen dizkio bilobari. Euskal dantzetan oinarritutako koreografien bidez, zazpi ipuin kontatuko dira, zazpi euskal lurraldeetako herri banatan kokaturik gai eta pertsonaia ezberdinekin. Ipuinen irakurketarekin batera, dantza izango da ipuinen irudikapen koreografikoaren protagonista.

Oraingo honetan, 25 urte baino gehiagotan lehen aldiz, Aukeran Dantza Konpainia haurren mundura hurbiltzen ari da espresuki, errespetuz eta gogotsu. Ipuin tradizional zaharren irakurketa berritua, bertaratutakoentzako bidaia ekarriko duten koreografia berriekin batera. Gure herriko geografia ezberdinetan barrena eramango gaitu, pertsonaia harrigarriekin.

Adina: + 4 urte

Fitxa artistiko-teknikoa:

• Zuzendaritza: EDU MURUAMENDIARAZ
• Ipuinak: JUAN KRUZ IGERABIDE
• Gidoia: EKAITZ  GONZALEZ
• Zuzendari artistikoa: ELENA BEZANILLA
• Musika sortzailea: JOXAN GOIKOETXEA
• Argiztapen diseinua: CARLOS SOLANO
• Jantziak: OSCAR ARMENDARIZ
• Zuzendari laguntzailea: ELI ALBERDI
• Maskarak: VALENTINA RAPOSO
• Irudiak: ALPHAX
• Antzezkea: LOLI ASTOREKA
• Dantzariak: KIMETZ CABANILLAS,ANE ETXEBERRIA, LAIDA EGAÑA, UNAI IRAOLA, MAIER MURUAMENDIARAZ, NAHIKARI SANCHEZ, UXUE SANCHEZ,DANEL SERRANO
• Ekoizpena: Aukeran Dantza Konpainia
• Banaketa: Bapo Bapo produkzioak

Trikitilari eta pandero joleak

• Izer eta Alabier 
• Elizagoien ahizpak

Usurbilgo V. Dantza Egunean hainbat ekitaldi antolatu ditu Orbeldi dantza taldeak Usurbilgo Udala eta Hurbilago merkatal elkartearekin elkarlanean.

Tio Teronen semeak taldearen fresh-cool kale-ikuskizuna ikusteko aukera izango da "Bizi kalea" jaiaren barruan.

*2025eko Dantzaldia - Bilboko Nazioarteko Dantza Jaialdiaren barne.

"Simulacro" intimitate-, errepikapen- eta erresistentzia-lana da eta partekatutako memorien pasarteek zeharkatzen dituzten eguneroko bizitzako ekintza eta keinuen multzoan oinarritzen da. Etengabe jarduten ari diren gorputz bik beren gertutasunaren mugak aztertzen dituzte, keinuaren endekapenezko izaeraren bidez. Hala, espazio lausoa sortzen da egiazkoaren eta eszenifikatuaren artean, kalteberatasun-, itxaropen- eta tentsioegoerak indartzen dituela.

Carminda Soares jakintza-alor anitzeko artista da (dantza, performancea eta idazmena). Horren lanaren ezaugarri nagusia da bitarteko koreografiko eta testual berrien bila ari dela eta, horrela, intimitate-, erresistentzia- eta eraso-egoerak esploratzen dituela. Antzezle eta sortzailekide gisa, hauekin ari izan da elkarlanean, besteak beste: Catarina Miranda, Lisa Freeman, Ao Cabo Teatro edo Ballet Contemporâneo do Norte. Margarida Montenÿek zirkuaren eta arte performatiboen esparruan lan egiten du. Jakintza-alorren mugak gainditzen dituen ikuskera baten bila ari da bere ikerketa eta jardute koreografikoan. 2024an, Coliseu do Porto Ageas -Artista Gazteen Saria lortu zuen. Antzezlari moduan, hauekin ari izan da elkarlanean, besteak beste: Ballet Contemporâneo do Norte / Portugalgo Orkestra Filarmonikoa, Miguel Pereira, Companhia Erva Daninha, Circo Caótico edo Grandpa’s Lab.

Fitxa artistikoa:

• Kontzeptuaren sortzaileak eta antzezleak: Margarida Montenÿ, Carminda Soares
• Musika-konposizioa: Antonio Marotta
• Argiztapenaren diseinua: Out Cube - João Monteiro
• Argiztapen-laguntzaileak: Ricardo Pinto, Francisco Monteiro
• Dramaturgiaren aholkularia: Catarina Miranda
• Koprodukzioa: Instável - Centro Coreográfico/Teatro Municipal do Porto; Teatro das Figuras
• Sorkuntzarako laguntza: Ficha Tripla/Produção D’Fusão

IHTOK, harremanetan jartzeko moduen sentsibilitatetik abiatuta, banakotasuna eta komuna zalantzan jartzen du, espazio eta denbora mugatu bateko bizikidetzaren substantzia planteatzen du.

Bi pertsonaien arteko ezberdintasunek eta kointzidentziek elkarrizketa bat sortzen dute beren idiosinkrasietatik, ezaugarri kulturalak, izaerak, ezaugarriak eta izateko moduak antzematen dituzten leku bat. Beren testuinguruan desberdina dena eta horiek nola gurutzatzen diren esperimentatzen dute, beren baitan iraultza bat eraginez.

Eszenaratzea aurreiritzi inkontzienteei, pertsona bat ezagutzen duzunean agertzen diren lehen pentsamoldeei eta mugimendu-identitateen bidez kultura-aniztasunak duen botereari zein balioari buruz hausnartzeko gonbidapena luzatzen da.

Ficha artística: 

• Ideia originala: Olatz Larunbe y Alfonso Aguilar
• Interpretazioa eta sorkuntza: Olatz Larunbe y Alfonso Aguilar
• Musika originala: Daniel Munarriz
• Argiztapenaren diseinua: Fermin Izko
• Jantzien diseinua: Aiora Ganuza
• Ikus-entzunezko zuzendaritza: Bárbara Fernández y David Mendizábal
• Komunikazio grafikoa: Bárbara Perez
• Laguntza artistikoa: Ainhoa Eguizabal