Agenda

Zortzikoa

Gehiago irakurri

Aldizkari aurkezpena: Gorulari-dantzak

"Gorulari dantzak" izenburuko aldizkariaren aurkezpena izango da Iurretako "Dantzari" kalean. Parte hartuko dute: Iñaki Irigoien (idazlea) eta Mikel Deuna dantza taldea, Anderebide, Bizkaiko Dantzarien Biltzarra eta Gerediaga Elkarteko ordezkariek. Dultzainero eta txistulariak alaituko dute ekitaldia.

Aldizkariak biltzen du Gorulari izenarekin ezagutzen diren hiru dantzei buruzko historia. Hau da zinta-dantza, arku-dantza eta 1886an prestatutako linuaren estanpa. Dantza horien sustraia, Durangoko Korpusko dantzetan aurkitzen da. Galduta egonik 1886ko Euskal Jaietan errekuperatu ziren neskak eta mutilak dantzatzeko moldatuz. Gerraostean berriz galdu ziren eta 1973an Iurretako dantzariak berreskuratu ondoren, gaur egun, Iurretako dantza bezala onartua dago folklore arloan.

Gehiago irakurri

Gazteen azeri-dantza

Hernaniko San Joan festetan tradizio handiko azeri-dantza egiten dute goizean. San Joan bezperan, gazteen azeri-dantza ateratzen dute. 10:00etan hamabost lagun inguru biltzen dira; esku batekin sokari helduta eta bestearekin maskuria hartuta. Kalez kale ibiltzen dira, eta kalean daudenak jotzen dituzte maskuriarekin. Lagun horiek herriko hainbat bazterretan ezkutatzen dira, eta berriro ere plazan biltzen dira.

Gehiago irakurri

Guardiako dantzak

Hona hemen Guardiako dantza taldeak San Joan jaietan dituen dantza hitzorduak:

Ekainak 23, San Joan bezpera

13:00etan txupinazoak eta San Joan eta Errege-erreginen Andra Mari elizetako kanpai-hotsek jaien hasiera iragarriko dute. Udaletxeko balkoian Hiribilduaren banderaren aurkezpen ekitaldia burutuko du Errejidore Sindikoak “Zeledon” kantaren notak lagun. Ekitaldia amaiturik, Herriko Musika Banda, gaita-jotzaileak eta dantzariak kaleetan barna abiatuko dira giroa alaituz.

18:00etan Herriko dantzariek eta katximorroak Alkatea eta Errejidore Sindikoa udaletxeraino lagunduko dituzte.

18:15ean Dantzariek lora sortak banatu ondoren udalbatza, agintariak eta gonbidatuak herri-prozesioan abiatuko dira udaletxetik San Joan elizarantz. Jarraian, antzinako usadiori helduz, bandera kulunkatu eta Pilarreko Andre Mariari eta Herriko Zaindariari eskainiko zaie.

18:00 Usadioari jarraituz, herriko dantzariek, katximorro eta musika taldearekin batera, alkate jauna eta erregidore-sindikoa etxetik udaletxera lagunduko dituzte.

Ekainak 24, San Joan eguna

11:30ean Katximorroa eta dantzariek ,dultzainero eta herriko Musika Bandak , Alkateak eta Errejidore Sindikoa euren etxeetan jaso eta udaletxera lagunduko dituzte.

12:00etan lora sortak banatuko zaizkie agintari eta gonbidatuei Plaza Nagusian. Ondoren, plazatik San Joan elizara abiatuko dira. Banderaren kulunkatze eta eskaintza burutu ostean, San Joan bataiatzailearen omenezko prozesioa abiatuko da kaleetan barna ohiko ibilbidea eginez. Ondoren meza nagusia ospatuko da Guardiako abesbatzak lagundurik.

18:30ean Aurreko egunean bezala dantzariak eta katximorroa lagun, Alkatea eta Sindikoa udaletxera abiatuko dira. Joan Bataiatzailearen Elizan ohiko ekitaldiak burutuko dira.

Gehiago irakurri

Ingurutxoa

Ingurutxoa plazaratuko dute Oberena dantza taldea eta herritarren parte hatzearekin.

Gehiago irakurri

Lezeako zortzikoa

Jeiki dantza taldeko neskek Lezeako zortzikoa dantzatuko dute San Joan jaien baitan. Aurten Euskal Herria plazan izango da, San Juan plaza obretan baitago.

Gehiago irakurri

Ezpata-dantza eta mutil-dantzak

Ezpata-dantza. Ilunabarrean San Joan suak eta ezkil jotzea. Ondotik, mamorru erretzea, mutil-dantzak, gaita eta larrain-dantza.

Ekainak 23, igandea

• 19:30 Ezpata-dantza. Ilunabarrean San Joan suak eta ezkil jotzea. Ondotik, mamorru erretzea, mutil-dantzak, gaita eta larrain-dantza.

Ekainak 24, astelehena

• 12:00 mutil-dantzak
• 21:00 mutil-dantzak

Ekainak 25, asteartea

• 21:00 mutil-dantzak

Ekainak 26, asteazkena

• 21:00 mutil-dantzak

Gehiago irakurri

Aurreskua

llunbe Musika Elkarteak Gudarien plazan antolatu du aurreskua; 20:00etatik aurrera, zuhaitz inguruan arituko da Illunbe Dantza taldea, txistularien musikak lagunduta.

Gehiago irakurri

Soka-dantza

Urtero legez, Udako solstizioa ospatuz Herriko plazan zuhaitza jaso eta haren inguruan soka-dantza egingo da.

Gehiago irakurri

Soka-dantza

Alkatea eta udalbatzaren soka-dantza Goikoplazan. 

Gehiago irakurri