Ituren: Besta Berri 2013 soka-dantza

Besta Berri igandez dantzatzen da soka-dantza edo dantza-luzia Ituren-en. Hainbat urtez galduta egon ondoren orain 8-10 urte berreskuratu zuen herritar talde batek Besta Berri egunez dantzatzeko ohitura. Horretarako Migel Makuso txistulariak mantendutako doinuak eta adineko dantzarien irakaspenak baliatu zituzten. Bi iturendarrek, Jabier Bereau dantzariak eta Andres Iñigo euskaltzainak ematen dituzte Iturengo dantza-luziaren inguruko argibideak bideo honetan, eta ondoren aurten eskainitako emanaldia ikus dezakezue. Irudiak: Eire Vila. Dantzan.com, Ituren, 2013-06-02.