Beasain: Igartzako ezpata-dantza

Aurtengo egoera berezia medio Igartza auzoko jairik ez da izango eta dantzarien Kofradiak ere ez du bere ohiko Dantzarien Eguna ospatuko. Hala ere, Igartzako eremu zabalak eskaintzen duen aukera aprobetxatuz, Kofradiako dantzariek egin ohi dituzten dantzetako batzuk eskainiko dituzte bertan, ziurtasun neurri guztiak zorrotz betez. Horretarako, dantzarientzako eremu bereizi bat erabiliko da, alde batetik, eta beste eremu kontrolatu bat prestatuko da ikusleentzat bakarrik, bestetik. Ikusleentzako eremua 11:45etan zabalduko da eta lehenago ez bertaratzeko eskatzen dugu, jende pilaketarik izan ez dadin. Aforoa mugatu izango da.