Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Aurtzaka dantza taldea

Orain arteko ekarpenak

San Joanetako neskatxen esku-dantza 2009

2009/06/20

Iazko San Joan bezperan atera genuen lehen aldiz Beasaingo Neskatxen esku-dantza . Modu honetara, herriko jaietako haurren aurreskuaren baliokidea eta osagarria izango da hemendik aurrera, neskatilak sokaren gidari eta protagonista jarrita.   Goierrin galdua zen garai batean emakumeek so...

Gehiago irakurri

UDA SASOIKO

2009/06/08

  Udaberria badoa, pasa ditugu herriko jaiak, jaitsi genuen Mari , atera genituen udal agintariak plazara dantzasokan, dantzatu zuten haurrek eta ez hain haurrek, urrun geratu da garagardo festa, jaso genuen txosna, eta badator Uda:   - Ekainaren 23an, Sanjoan bezpera, gure ne...

Gehiago irakurri

Inbidiarik ez

2008/11/12

Idurre Eskisabel BERRIAko kazetariak artikulua idatzi du GOIERRITARRA aldizkariaren azken alean. Bertan gure taldearen aipamena egiten du, geure herrian azken urteotan sustatu ditugun pare bat ekinbide nabarmenduz, eta aditzera ematen duenez, ekarpen interesgarritzat joz. Beasaingo herriari be...

Gehiago irakurri

Udazkena Beasain eta Lazkaon

2008/11/06

Beasaingo Udazken Kulturala Urtero legez, gure dantza saioa eskaini genuen herriko plazan joan den larunbatean, azaroak 1, 2008ko Udazken Kulturalaren Egitarauaren barruan. Hitzordu hau baliatzen dugu herritarkideek gure lanaren berri izan dezaten, eta askotan urteko gure ekintza guztien labur...

Gehiago irakurri

Zeraingo Elizan

2008/09/30

Berezia gertatu zen joan den irailaren 19an Zerainen egin genuen emanaldia. Berezia dantzatzeko lekua, berezia zeraindarren harrera beroa.   Herriko eliza eskaini ziguten eskenatoki moduan, eta gustora aritu ginen bertan, soinu baldintzak edota espazioa bera moldatzeko lanak eman bazizkig...

Gehiago irakurri

2 kofradia eta 80 ezpatari Igartzan

2008/09/18

Beasainen, 2008ko irailaren 14an.     Aurreko egunetako euri erasoen ondoren, Igartzako kofradiaren ezpaten mehatxuek zerua beldurtu dute aurtengoan eta espero zen bezala, ez du huts egin egun handiaren bigarren zitak.     De Igartza2008 Dantzari eta ...

Gehiago irakurri

GOIERRIKO Dantzak Goierriko bihotzean

2008/09/11

  Azkenaldi honetan, Zerain herria Goierriko gune eredugarrietako bat bezala agertzen da nonahi, hala bere kokapen berezi eta ikusgarria medio, nola herritarren bultzadaz bertan piztu den bizitasun eta ekimen mailarengatik.   Ahalegin hauen erakusgarri bat gehiago da urtero antolatze...

Gehiago irakurri

Igandean, Igartzako dantzarien eguna

2008/09/08

Orain urte bete jarri genuen Igartza dantzan. Aurten, inguruko eraikin nagusiak zaharberritze lanetan egonik ere, nahiz eta “eskenatokia” zatarturik ikusiko dugun, guk gure dantzak eraikitzen jarraitu nahi dugu. Irailaren 14ean, igandean, herriko plazan elkartuko gara eguerdiz eta Igartzaraino...

Gehiago irakurri

Esku-dantza trumoi artean

2008/07/29

“...Hiru ale ta gaztaina kaskalik ez, gaztañeri hontan sorginik ez. Hemengo batek horko biri, balio badek etorriari!”   Eta etorri ziren! Ez dakigu sorginek bidalita ala ez, baina tximista eta trumoi artean kantatu eta dantzatu ondoren, Naturaren indarrak deituak sentitu ziren, e...

Gehiago irakurri

San Joanetako neskatxen esku-dantza

2008/05/19

Soka-dantzaren oinarrizko dantza-egituraren aldaera bereziak deskribatu zizkigun Juan Inazio Iztuetak 1824an idatzitako Gipuzkoako dantza gogoangarrien kondaira edo historia liburuan: gizon-dantza, gazte-dantza, etxeandre-dantza, galaien esku-dantza, neskatxen esku-dantza eta edate edo karrika-dan...

Gehiago irakurri

Orain arteko erantzunak

Aurtzaka dantza taldea on Non dantzatuko duzue uda honetan?

2015/07/28

Beasaingo Aurtzaka eta Ostadar dantza taldeak Sant Vicenç dels Hors (Herrialde Katalanak)-en izan gara uztailaren 24-26 bitartean, Goierriko Gure Esku Dago-ren ordezkaritza batekin batera. "Castell" antzeko giza-dorre txiki bat egiten ere ausartu gara:
 http://goierri.hitza.eus/2015/07/27/163276/

Aurtzaka dantza taldea on Joseba Juarez Mendizabal, dantzarion agurra

2015/07/24

Josebaren dantza-biografia ahalik eta osatuena egiten saiatu gara eta hemen duzue laburtuta. Inork zuzenketarik edo datu berririk eman nahi izanez gero, eskertuko diogu.

Joseba Juarez Mendizabal
1980-2014


1985. Dantza egin zuen lehen aldiz 5 urterekin, Jakintza eskolan, Aurtzaka dantza taldeko Iñaki García “Mario” irakasle zuela.
 
1986-1989. Dantza klasiko ikasketak egin zituen Beasainen Kontxi Aranburu irakaslearekin.

1989. Dantza sueltoan hasi zen Joxe Juan Ugalde irakaslearekin, eta Juantxo Urbietarekin ondoren, 1998ra arte Villabonako Martin Musika Eskolan.

1991-1994. Dantza solteko hainbat txapelketatan parte hartu zuen, txikien mailan Ane bere arrebarekin.

1993 Ordiziako Jakintza dantza-taldean hasi zen, Nati Garzia irakasle zuela.

1993-1996 Dantza klasiko ikasketak egin zituen Beasainen Kontxi Aranburu irakaslearekin.

1994-1998 Dantza solteko hainbat txapelketatan parte hartu zuen, helduen mailan Ane bere arrebarekin.

1995 Aurtzaka dantza-taldean hasi zen dantzari, Mikel Sarriegiren zuzendaritzapean. 2014 urtera arte, bertako dantzari eta dantza-maisu izan da.

1995 Bere lehen bidaia egin zuen atzerrira Aurtzaka dantza-taldean, Jakintza, Ostadar eta Iztueta taldeekin batera Bretainia eta Galesera.

1995 Jakintza dantza-taldeko irakasle eta arduradun hasi zen.

1995-2004. Dantza solteko irakasle aritu zen, hainbat eta hainbat bikote trebatuz. Baita soinu-zaharren irakasle ere.

1996 Agintarien dantza-sokako laguntzaile eta dantza-maisua Araman, 2003 urtera arte.

1996. "Dantza berriak doinu berriei jarriak" dantza ikuskizunerako "Danza con noivos" eta "Talamanttuna" koreografiak prestatu zituen, Aurtzaka dantza-taldearekin.

1997. Jesus Mari Garate dantza-maisuarekin hasi zen dantzan.

1997 Agintarien dantza-sokako dantza-maisua Itsasondon, 2001 urtera arte.

1997 Agintarien dantza-sokako dantza-maisua Zegaman, 2013 urtera arte.

1997 Agintarien dantza-sokako dantza-maisua Olaberrian.

1998-2000. Argia dantza-taldearekin “Zortziko” eta "Kondharian" ikuskizunetan parte hartu zuen dantzari gisa.

1998-2001. Nahia dantza-taldean aritu zen Jesus Mari Garateren zuzendaritzapean. ETBko "Olentzero Begigorri" programarako "Sagarraren Adarraren" dantzaren koreografiaren arduraduna izan zen Kimetz Larrañagarekin batera.

2000. Ordiziako Santa Ana eguneko meza nagusian Santa Anaren martxa dantzatzen hasi zen 2014 urtera arte (2005 eta 2011n ezik).

2001. Ordiziako Santanazaleen Kofradiako esku-dantzako dantza-maisu lanetan hasi zen, Enrike Lacalle eta Gurutz Ojangurenekin batera, 2014ra arte.

2002 Aurtzaka dantza-taldearen Villafranca de Bonany-ko (Mallorka) bidaia antolatu eta zuzendu zuen.

2003 Agintarien dantza-sokako dantza-maisua Ordizian.

2004 Dantza solteko ikastaroak eman zituen, Idiazabalen eta Beasainen, Izaskun Salazarrekin batera.

2004 "Goierriko" dantzen ikuskizunerako "Erromeria" eta "Inauteriko arin-arina" koreografiatu zituen Mikel Sarriegirekin batera.

2006 Argentinan izan zen Aurtzaka dantza-taldearekin. Hainbat dantza-ikastaro zuzendu zituen bertako Euskal Etxeetan.

2007 Santanazaleen esku-dantzako aurreskua izan zen.

2007 Igartzako Kofradiaren Ezpata-dantzako buruzagi eta dantza-maisu lanetan hasi zen, 2014 urtera arte.

2009 Santanazaleen kofradiako 500. urteurrena antolatzen aritu zen.

2014 Ordiziako Jaietako txupina bota zuen, Amets Bide dantza-taldearen 50. urteurreneko ospakizuna medio.

2014 Aurtzaka dantza-taldeko haur txikien irakasle hasi zen.

Aurtzaka dantza taldea on Joseba Juarez gogoan Biarritzeko San Martin ezpata-dantzan

2014/11/10

Dena ondobidean han izatekoak ginelarik, pozgarria zaigu, eta ziur Joseba berari ere, sentipenez presente egon izana. Mila-mila esker San Martingo ezpata-dantzariei.

Aurtzaka dantza taldea on Arrateko dantzak: hamargarrena

2014/09/05

Zorionak Kezka!
erreferentzia izan zaituztegu talde bat baino gehiagok. Merezitakoa urtebetetzea. Ondo pasa astelehenean eta segi hortxe pixkor pixkor!

Aurtzaka dantza taldea on Nik ere babesten dut dantzan.com

2013/03/05

Guk ere babestuko dugu dantzan.com, baina hala ere ez dugu ematen digun zerbitzu guztia ordainduko.
Animo eta aurrera!

Aurtzaka dantza taldea on Argia Saria irabazi du dantzan.com-ek!

2013/01/25

ZORIONAK EKIPO !!!
EDERRA ETA MEREZITAKOA

Aurtzaka dantza taldea on Beasaingo Neskatxen Esku-dantzaren sorkuntza prozesuren aurkezpena

2013/01/07

Hona hemen Sortutakoak Jaialdiaren egitaraua urtarrilaren 12rako:

11:00 Mikel Sarriegiren azalpena
11:30 Esku-dantzaren agerpen laburra
12:30 “Gipuzkoar emakume koreografo eta dantzariak. XX eta XXI mendeak” Dordoka Kolektiboaren lanaren aurkezpena.
13:30 “Garabato” Andrea Quintana, Injuve 2012 saria.

Arratsaldean, Guardetxean:
20:00 “Canción laverintoren ildotik solasaldiak” Sara Paniaguarekin.
21:00 Italo Panfichi, Manuel Bellisco “Todas las sangres”: dramaturgia proiektuaren aurkezpena.
21:30 Dj p3z Denok dantza egitera

Egitarauaren eskupaper osoa hemen jarri dugu:
https://picasaweb.google.co[…]a5_-Vdg#5830689301239715442

Aurtzaka dantza taldea on Beasaingo Neskatxen Esku-dantzaren sorkuntza prozesuren aurkezpena

2013/01/07

Larunbateko aurkezpena Sortutakoak Deialdian aukeratutako beste proiektuekin batera izango da. Egiataraua zehatzago jakiteko zain geunden xehetasunak eman ahal izateko, baina esan zitzaigunez Italo Panfichi eta Andrea Quintanaren lanak ere aurkeztekoak dira goizean, eta Sara Paniagua eta Anakrusa arratsaldez izango dira Guardetxen.
Finkatua dagoena, gure aurkezpenaren ordua da: 11:00etan. (agendan 12:00tan jarrita dago eta aldatu beharko litzateke).
Beste datuak dauzkagunean, jakin araziko ditugu.
Mila esker

Aurtzaka dantza taldea on Joan zaizkigun dantzariei azken agurra

2012/12/28

Aurtzaka dantza taldeko sortzaileetako bat ere joan den otsailean zendu zen, 59 urte zituela: Raimon Gamaio.

Gure webgunean aipamenak egin genizkion:
http://www.dantzan.com/blogak/aurtzaka/adiorik-ez-raimon
http://sallekoadiskideak.aurtzaka.com/

Eta igartzako dantzarien egunean omendu genuen:
http://www.dantzan.com/[…]/ezpata-andaluziarrak-eta-euskaldunak-igartzan

Aurtzaka dantza taldea

Aurtzaka dantza taldea

Beasaingo dantza taldea. Izen honekin 1979 urtean sortua, aurretik urte askoan lanean ari ziren "Goierri" eta "Salleko Adiskideak" taldeen elkartzearen ondorio. Gipuzkoako Goierri eskualdeko dantzari eta musikariz osatua. Batez ere gure eskualdeko dantzak lantzen ditugu, herrian bertan usadiozko bihurtu diren hainbat ekitaldi bultzatu eta sustatzeaz gain: dantza-sokak Loinatzetan, Igartzako ezpata-dantza, Sanjoanetako esku-dantza, etab. 

 

Aurtzaka dantza taldea

Garmendia Otaola 9

20200 Beasain

www.aurtzaka.com

aurtzaka@gmail.com