Diseinu berriak negurako
Dantza paparrean, ibili munduan.
Negu parte honetarako diseinu berriak prestatu ditugu eta hemen dituzue ikusgai baten bat maitatzekotan, guri eskatzeko moduan. Orain arte bezala, zuzenean edo trabeska, dantzarekin harremana duten kamiseta edo tixertak dira proposatzen dizkizuegunak. Ia gustuko dituzuen!
Axuri-beltza ona dun baina, xuria berriz hobea. Ez al dira kantu horretan gure yin eta yang propioak agertzen?
7 ahuntz jauzika, otsoarengandik ihesi, zerura 7 salto egin eta 7 ahuntzak sortu zituzten!
Berri Txarrak omenduz, baina... Betibizia paparrean baliteke hiltzea?
Olariagaren zinta bat inspirazio iturri hartuta...
1997an Iruñean egin zen nazioarteko dantza jaialdiaren irudia berreskuratu eta paparrera ekarri dugu.
Hortxe axeria axeri-dantzan!
Bizkaiko kopla zaharra, Angela Davisen omenez.
Negu Gorriak-en logoa, Negu Gorriak-ena ote zen benetan?
Agian tixert hauen artean egon daiteke eguberritako zure auto-oparia?
Gehiago kuxkuxeatu ahal izateko, hemen egin dezakezu klik: AITZINA