Gabonak dantzan

Igandea, abenduak 26

19:00 (Basque Country Time)

Erromeria

Online

Iaz gure ekimenak izandako arrakastaren ondoren, AIKO Taldearekin musikaz eta dantzaz gozatzera gonbidatzen zaituztegu. Alvaro Garcia gitarran, Sabin Bikandi txistuan, Txus Aranburu teklatuetan eta Amaiur Cajaraville baxuan arituko dira musika jartzen, eta Katalin Zarate eta Patxi Laborda, berriz, dantzan arituko dira. Guztia AMS-ko Alberto eta Mario gure teknikarien laguntzarekin, eta Bideografik-eko lankideen eskutik: Eukeni, Xabi...

Klik bakar batera, igandean, hilak 26, gure youtube kanalera konektatu eta dantzatu!

Astelehena, abenduak 27 ATZERATUA!

17:00 & 18:00 (Basque Country Time)

Kulunkaz, lehen urratsak  dantzan emateko tailerra. Dantza familian

Aurrez aurre Bilboko Campos Antzokian

Helburua helduak txikienek imitatzeko erreferente bihurtzea da, eta jolas eta ariketa ludikoen bidez, dantzarako zaletasuna transmititzeko tresnak eskaintzea.

"Kulunkaz Lehen urratsak dantzan emateko tailerra"dantzatzeko bi tailer izango dira, bi adin-taldetan banatuta (0tik 2ra eta 3tik 6ra), eta abenduaren 27an, astelehena, egingo da Bilboko Campos Antzokian.

Irakasleak: Amagoia Elosegi, dantzaria, dantza irakaslea eta musika pedagogian aditua, Patxi Laborda dantzari, koreografo eta dantza maisua, eta Sabin Bikandi, musikari eta dantza maisua.

Plazak mugatuak dira, eta bi tailerretako edozeinetan interesa duten pertsonek izena eman dezakete info@aikoeskola.eus posta elektronikoaren bidez edo 634 423 539 telefonoan, haur bakoitzaren ardura duen helduaren izen-abizenak eta telefono mugikorra emanez eta aukeratutako tailerra adieraziz (0-2 edo 3-6) eta, haurrekin joanez gero, izena eta adina adieraziz.

Prezioa: 10 €heldu bakoitzeko, sarreran ordaindu beharrekoa.

*Derrigorrezko maskara Campos Antzokiko egonaldi osoan. 

Asteartea, abenduak 28

19:00 (Basque Country Time)

Hitzaldia: Aingeru Berguices (Bilbao, 1957)

Online

Elkarrizketa/hitzaldi/masterclass honetan, Aingeru Berguicesek eskuzabal partekatzen ditu bere ezagutzak eta ikerketa-esperientzia, eta horiek, ziur gaude, gure musika eta dantza tradizionalaren historia eta gure kulturaren egungo errealitatea gehiago eta hobeto ulertzen lagunduko digute.

Asteazkena, abenduak 29

19:00 (Basque Country Time)

Tailerra: Dantzan pandero kantuz 

Online

Kantuaren eta panderoaren laguntzaz, dantza egiten ikasteko tailerra da. Alde batetik, mugimenduaren eta musikaren arteko harremana ulertu eta landu nahi du, eta, bestetik, abesten, jotzen eta dantzatzen gozatu. Ez gara ezer berririk asmatzen ari, baizik eta gure aitona-amonen ikaskuntza-sistemak bisitatzen: panderoak lagunduta abestiaren soinuarekin dantzatzen.

Zu ikustea nahi genuke. Animatu eta parte hartu!