Danspirenaika ekainak 27-28-29 Izaban

Aurreko edizioetako arrakastaren ondoren, Danspirenaika, Akitania-Berria, Euskadi, Nafarroa Euroeskualdeak finantzatutako proiektua, Izabako udaletxearen laguntzaz, ekaineko azken asteburuan, Izaba, dantza tradizionalaren erreferente bihurtu da berriro. Danspirenaika dantza tradizionalaz gozatzeko bidaia kulturalaren proposamena da, Pirinioen bihotzean dantzan ikasi eta dantzaz gozatzeko aukera.

Danspirenaika bizipenak, esperientziak, arazoak, konponbideak, lekuak eta abar partekatzeko gunea da. Pirinioetako kultura partekatzeko lekua da, eta interes berezia du musikari eta koreografiari dagokienez. Horregatik, prestakuntza-saioak, eskolak eta tailerrak bezain garrantzitsuak dira txangoak, plazako dantzak, mahai gainak, dantza-txandak eta abar. Horregatik, gure tradiziora joz, Elizondoko, Planeko, Benasqueko azokak etortzen zaizkigu burura... Danspirenaika azoka bat bezala pentsatzen dugu, elkartzeko eta trukatzeko gune hori, askotan entretenimenduz eta dibertimenduz lagundua.

Danspirenaika dantza-zaleei zein profesionalei zuzenduta dago, eta, batez ere, herritarrei, gozamenerako eta dibertsio partekaturako gonbidapen zintzo batean.Ikastaro eta tailerren prezioa 50 €-koa da. 18-30 urte bitarteko gazteak, DEBALDE. Dantza ikastaro eta tailerrez gain, ekainaren 29an, igandez, dantza tailerren ondoren, Kurruskla Elkarteak kanpainako bazkaria antolatu du (migak, magrak, gazta, kafea...), 16 €ko prezioan.

Izen-ematea: EGIN KLIK HEMEN Plaza mugatuak!

Egitaraua

Ekainak 27 ostirala

Idoiako Andre Mariaren ermitan, Erminea pilotalekuan euria egiten badu

• 19:00 Mazurka tailerra + dantza-erromeria

• 21:30 afaltzera

• Gero, mazurka klandestinoa

Ekainak 28 larunbata

Larunbatean, hilak 28, txangoan irtengo gara, eguna mendian emango dugu eta arratsaldean Izabara itzuliko gara, Udaletxeko plazan erromeria saio bat egiteko. Egunean zehar, dantza tailerrak eskainiko dira, hasiera batean, Belabarze bailaran. Ibilbidea 10:00etan hasiko da Udaletxe plazan eta Belabarzera igoko da bere izen bereko sakanean zehar ur-jauziak bisitatuz. Eguneko bazkaria, edozein mendi txangotan bezala, bakoitzaren kontura izango da. Eguraldiak laguntzen ez badu, jarduerak Erminea pilotalekuan egingo dira. Eguraldi onarekin, eguzkitik babestea eta behar bezala hidratatzea gomendatzen da.

• 10:00 Irteera udaletxetik Belabarzera

• 11:00-11: 30 Belabarze

Dantza-tailerrak; ordutegi malgua: Jauziekin jolasean, dantza kantatuak, jota nahieran.

• 17:00 Izabara buelta
• 19:00 Dantzaldia Udaletxeko Plazan, euria egiten badu Erminea pilotalekuan.
• 21:30 afaltzera
• Gero, mazurka klandestinoa

Ekainak 29 igandea

Denborak uzten badu Mata de Hayan

• 10:30 Kontradantzak

• 11:30 Ansoko Alacay dantza, Mónica Barcos irakaslearekin.

• 13:00 AIKO Taldearen bermut dantzaldia

• 14:00 Kanpaina-bazkaria

Izen-ematea: EGIN KLIK HEMEN Plaza mugatuak!

Informazio +: DANSPIRENAIKA. ONKI XIN DANTZART! Isaba 2025, ekainak 27-27-29 junio