Aikoeskola presentziala. Urrian sarrera doan

Aiko Taldeak aurrez aurreko dantza ikastaroak ematen ditu Bilbon, Donostian, Durangon, Gernikan, Markinan, Lekeition eta Galdakaon. Eskolak 90 ′ -ko asteroko saioetan antolatzen dira, urritik ekainera, eta 2 mailatan. Hasierako mailaren helburua dantza lehen urratsetik ikasi eta ulertzea izango da, zero mailatik: jota, porrua, jauziak, balsa, pasodoblea, chotis, mazurka, etab. Hobekuntza maila dantzaren estiloa, errepertorioa eta ulermena hobetzeko oinarrizko ezagutzak dituzten pertsonentzako espazioa da, elkarrekin praktikatzeko dantza gunea. Zure mailari buruzko zalantzarik baduzu, ez kezkatu, zatoz, egizu proba, eta, irakasleen laguntzarekin, aukeratu gehien komeni zaizuna.

Gure aurrez aurreko ikastaroetan izena emateak online dantza-eskolara sartzea ere barne hartzen du, eta plataforma hori baliabide didaktiko osagarri gisa erabiliko dugu (gure testu-liburua izango da), bai eta aurrez aurreko eskolen alternatiba gisa ere, eskola horiek edozein arrazoirengatik gauzatu ezin direnean. Matrikularen prezioa 195 €-koa da urritik ekainera bitarteko ikasturte osoan + dantza digitaleko eskolara 12 hilabetez sartzeko aukera. Urriko klaseak zabalik daude, gure klaseak doan ezagutu eta froga ditzazun. Prebentziozko neurri gisa, klase presentzialetara joateko, COVID19ren aurkako txertoa jartzea gomendatzen dugu jarraibide osoarekin eta maskararen erabilera iraunkorra.

Izena eman eta ordaintzeko

Aikoeskolan gurekin dantzan egin nahi baduzu izena eman gure eskola digitaleko honako helbidean klik eginez:

https://aikoeskola.eus/presentziala/

Eta arazoren bat baduzu, gogoratu telefonoz ere hor izango gaituzula laguntzeko prest. Tel: 634 423 539

Egutegia

Dantza ikastaroaren egutegia urritik ekainera bitartekoa da: bi asteko oporrak Gabonetan eta beste bi aste Aste Santuan.

Bilbon eta Donostian ekipamenduen plangintza dela eta, egutegia berezia da.

• Bilbo: Astelehenetan, Teatro Campos Antzokian. Bertendona 3, 48008 Bilbo. Oinarrizkoa: 18:00-19:30. Hobekuntza: 19:30-21:00. Lehen eskola eguna:  urriak 11 astelehena.

• Donostia: Ostegunetan, Victoria Eugenia Antzokian. Paseo de la República Argentina, 2, 20004 Donostia. Oinarrizkoa: 18:00-19:30. Dantzagunea: 19:30-21:00. Lehen eskola eguna: urriak 7 osteguna. 

• Durango: Astearteetan, San Jose Jesuitak Ikastetxean. Kurutziaga Kalea, 1, 48200, Durango. Oinarrizkoa: 18:00-19:30. Dantzagunea: 19:30-21:00. Lehen eskola eguna: urriak 5 asteartea.

• Gernika: Ostegunetan, San Fidel Ikastolan. Carlos Gangoiti, 11, 48300 Gernika-Lumo. Oinarrizkoa: 18:00-19:30. Dantzagunea: 19:30-21:00. Lehen eskola eguna: urriak 7 osteguna.

• Lekeitio: Astearteetan, Lekeitioko Azkue Ikastolan. Atea Kalea, 48280, Lekeitio. Oinarrizkoa: 18:00-19:30. Dantzagunea: 19:30-21:00. Lehen eskola eguna:  urriak 5 asteartea.

• Galdakao:  Astelehenetan eta asteazkenetan, Haltza Zentroan. Zubiaurretarren Kalea, 8, 48960, Galdakao. Oinarrizkoa: asteazkenetan 20:00-21:30. Hobekuntza: astelehenetan 20:00-21:30. Lehen eskola eguna:  urriak 4 asteartea.

• Markina: Asteazkenetan, Lea Artibai Ikastetxean. Xemein etorbidea, 19, 48270, Markina-Xemein. Talde bakarra: 19:00-20:30. Lehen eskola eguna: urriak 13 asteazkena.

+info: www.aikoeskola.eus