Plaza dantzen ikastaroa osatzeko deialdi berria Beasainen, Ostadar Dantza Taldearen eskutik

Aurreko ikasturteetan zehar Ostadar Dantza Taldeak antolatutako Plaza dantzen ikastaroek harrera ona izan dutela ikusita, 2023-2024. ikasturtean ere deialdi berria egitea erabaki dugu, aurreko urteetan sortutako taldeak mantentzearekin batera. Ikastaroaren helburu nagusia plaza dantza gisa ezagutzen ditugun koreografiak irakastea da, hauei buruzko azalpenak ematea da.

Ikastaroa astelehenetan eskainiko da, 19:00etatik 20:00etara, datorren urriaren 2tik aurrera. Ikastaroa gure egoitzan eskainiko da (Beasaingo Oriamendi kalea, 10)

Ikastaroan izena emateko:

Ikastaroan izena emateko interesatuta dagoena modu hauetara jar daiteke gurekin harremanetan:

• ostadardt@gmail.com helbide elektronikora idatzita.

• Telefonoz edota WhatsApp bidez: Larraitz (695 737 400) edo Xabi (635 731 166)

• Sare sozialen bidez: Facebook (Ostadar Dantza Taldea), Twitter (@OstadarDantza) edo Instagram (ostadardantzataldea)

Baldintzak eta oharrak:      

• Nahiz eta ikastaroan izena emateko ez den adin-mugarik izango, ikastaroa batez ere jende helduari zuzendutakoa izango da
• Izena emateko epemugarik ez da egongo. Hala ere, ikastaldea hobeto antolatu ahal izateko, ikastaroa hasi aurretik apuntatzea eskertuko genuke (urriaren 2a, astelehena, baino lehen)
• Ikastaroaren ordainketaren informazioa izena ematen dutenei jakinaraziko zaie.

Amaitzeko, Ostadar Dantza Taldetik ikastaroan parte hartzera animatu nahi zaituztegu, eta dantza eginez astero tarte atsegin bat igarotzera. Zuen zain izango gaituzue!