2023ko Beasaingo Inauteri herrikoiak Inaute larunbatean (otsailak 18)

Urtero legez, Ostadar Dantza Taldeak Beasaingo Inauteri herrikoiak antolatu ditu datorren Inaute larunbaterako (otsailak 18). Aurten ere, Euskal Herriko hainbat lekutan, Inauterietan ikus eta dantza daitezkeen inauterietako dantza herrikoiak eskainiko dituzte.

Ohi bezala, dantza taldeeko kideekin batera, musikari laguntzaileak zein taldeak antolatutako entsegu irekietara azaldutako herritarrak irtengo dira, eta baita inguruko herrietatik etorritako talde dantzariak ere. Dena den, dantza-desfilea irekia izango denez, larunbatean bertan herritarrei dantzara irteteko deia luzatzen die dantza taldeak, elkarrekin inauteriak ospatzeko,

Egun osoko festa-egitaraua:

• Dantza-desfilea 10:30ean  hasiko da taldearen egoitzan (Oriamendi kalea, 10). Dantzariak herriko kaleetan barrena ibiliko dira 13:30ak bitartean. Eguraldi txarra egingo balu, dantza-desfilea Gernika Pasealekuko frontoian eta Loinazko San Martin plaza azpian egingo da
• Arratsaldean, 19:00etatik aurrera, Elustondo anai-arreben eskutik erromeria izango da Loinazko San Martin plaza azpian!

Ostadar Dantza Taldeak herritar, dantzari eta dantzazale guztiak gonbidatzen ditu datorren larunbatean Beasainera, elkarrekin inauteriak giro onean ospatzeko