“Erromeria dantzak” ikastaroa 2015-2016 Barakaldon

Aurreko hiru urteotan izandako arrakasta eta harrera ikusita, 2015-2016 ikasturte honetarako, laugarren aldiz antolatu du Ibarra-kaldu Elkarteak ERROMERIA DANTZAK lantzeko ikastaroa.

 Norentzat? Erromerietako dantza batzuk ikasi nahi dituzten barakaldar guztientzat, gure herriko auzoetako eta inguruko udalerrietako erromerietan parte hartuz gozatzeko aukera izan dezaten.

 Gainera, 2016an Ibarra-kaldu Elkarteak 50. urteurrena ospatuko duela-eta, erromeria irekiak antolatuko ditugu urte horretan, nahi duten guztiek parte hartzeko modukoak, ikastaroan parte hartzen dutenek ikasitakoa jendaurrean erakuts dezaten.

 Aurreko urteotan bezala, ikastaroa egin ahal izateko ez da beharrezkoa elkarteko kidea izatea, eta, gainera, ikastaroa doakoa da.

 Ikastaro-saioak IBARRA-KALDU ELKARTEAN izango dira, Santa Teresa elizaren azpian duen egoitzan. Bi asterik behin izango dira, ostegunetan, 20:00etan hasita. Lehen eguna urriaren 1a izango da.

 Ikasi nahi dituzu Txulalai, Jota eta Arin-arin, Zazpi Jauzi, Polkak, Jauziak, Mazurka, Exkotix, Larrain dantza, etab.? Ez zalantzarik izan: zatoz gugana eta har ezazu parte ikastaro honetan.

 Argibide gehiago nahi baduzu, jo ezazu interneten ditugun txoko hauetara:

WEB: http://ibarrakaldu.webcindario.com/

FACEBOOK: http://www.facebook.com/ibarrakaldu

GOOGLE+: https://plus.google.com/u/0/116103651183671293845/posts

TWITTER: https://twitter.com/ibarrakaldu

E-MAIL: ibarrakaldu@gmail.com

TELEFONO: 94 478 10 38

MOVIL: 606 861 507