Hemen zaude: Hasiera Komunitatea Aiert Beobide Haatikek Itsas Lapurrak ikuskizuna aurkeztu du

Dokumentuaren akzioak

Haatikek Itsas Lapurrak ikuskizuna aurkeztu du

2015/07/01 23:45

Haatik Dantza Konpainiak azken hilabetetan lanean ibili den ikuskizun berria aurkeztu zuen asteartean Orion.  Larunbatean Bilboko Kalealdia jaialdiaren barnean bi saio eskeiniko ditu.

"Itsas Lapurrak" izena duen kaleko ikuskizuna aurkeztu berri du Ekainaren 30ean Orioko itsasertzean. Interes handia sortu zuen emanaldiak eta herriko eta baita kanpoko jende ugari hurbildu zen emanaldiaren primiziaz gozatzera. Harrera ona, ikusleen txalo zaparrada ugarian nabaritu ahal izan zen.

Hurrengo emanaldia  datorren Larunbatean Kalealdia jaialdiaren barnean izango da Bilboko Areatzan. Bi saio eskeiniko dituzte, lehenengoa 19:15etan eta bigarrena 22:15etan.

Haatik - Itsas Lapurrak

Euskaldunok harreman berezia izan dugu beti itsasoarekin. Nabigatzaile trebeak izan gara arrantzarako zein merkataritzarako, baina baita itsaslapurretarako ere. Zaila zen hiru jarduera horiek bereiztea. Honela, Haatik Dantza Konpainiak garai hartara bidaiatzera gonbidatzen gaitu. Dantzaren bidez gure itasertzeetako bizitza irudikatu, itsasontzien joan etorriek sortzen zuten kultura ezberdinen arteko elkarbizitza azaldu eta gizon eta emakumeen artean presentzia handia izan duten sineskerietan sakonduz.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Aiert Beobide

Aiert Beobide