Arineketan

Egilea

Jagoba Astiazaran eta Iñar Sastre

Formatua

CD

Editorea

Jagoba Astiazaran eta Iñar Sastre

Data

2020/09/19

Erosi diskoa

Bi musikariak dantza mundutik oso gertu aritu izan dira beti. Orain dela hamabost urte Alurr dantza taldean ezagutu zuten elkar, bakoitzak bere bidea egin du, orain berriro elkartu eta elkarrekin sortzera animatu dira lehenengo aldiz. 2017an 250 urte bete ziren Juan Inazio Iztueta jaio zela eta aitzakia horrekin Gipuzkoako dantza gogoangarrien kondaira edo historia (1824) ) liburuaren ondoren argitaratu zituen doinu batzuetatik abiatuta sortzen hastea pentsatu zuten Jagoba Astiazaran txistulariak eta Iñar Sastre piano-joleak. Behin Arineketan lana aurkeztuta, dantza taldeetara zabaltzea nahiko lukete.

Herri kulturan, dantza eta musika elkar hartuta ibili dira historian zehar. Gurea, izaera eta kultura bizia duen herria izanik, bata zein bestea, musika eta dantza, gure egunerokoan ezinbesteko parte dira, gaztetatik aritu baikara euskal dantza talde ezberdinak musikaz laguntzen, baita dantzari gisa ere.

Arineketan sortzea ez da bat-bateko korrika saio bat izan. Aspaldiko adiskidetasuna du oinarri, eta elkarrekin sortu eta musika egiteko beharrari erantzuten dio. Juan Ignazio Iztueta folklore biltzailearen 250. urteurrena, eta haren “Guipuzcoaco dantza gogoangarrien condaira edo historia” liburua hartu genituen abiapuntu. Hark jasotako doinu eta hitzek bidea ireki, eta gure sorkuntza propioak gehitzen joan gara euskal dantzaren munduan murgiltzeko.  Hortik aurrerakoa? Jolasa, broma, txantxa eta dibertsioa. Txistu eta pianoaren arteko elkar-hartzea, eta ihesa. Eta bide batez, euskal folkloreko doinu zahar askori hautsak kentzen saiatu gara, gaur egungo dantza taldeei material berria eskura utziz.

Abestiak

1. Agurraz jolasean Iñar Sastre / Jagoba Astiazaran
Izenak berak dion bezala, ohorezko kontrapas edo agurrarekin jolasean aritu gara biok, lehen zatian Iñar bakarka pianoarekin, bigarrenean txistu eta pianoa elkarrekin Jagobak sorturiko txantxa gisa.
2. Belauntxingoa Herri dantza / Jagoba Astiazaran
J. I. Iztuetak 1824ean argitaraturiko “Guipuzcoaco dantza gogoangarrien condaira edo historia” Villancicoa izenez agertzen dena, itxuraberritua dakargu, baina duela ia 200 urte Iztueta berak jarritako hitzak aldatu gabe, gaur egunera ekar baititzakegu arazorik gabe:
“Euskal Herrietako soinu ezti izan dana beti guzien gainetik
Bilatu det lurpean sartua, bai eta ahaztua, zeren dan zahartua
Ateratu behar nuke plazara nerekin dantzara oraindik gauza da
Ikusiko da zein atsegina, bizarra urdina baina txit arina.”
3. Uzturre / Iñar Sastre
Tolosaldeko mendiari eskainiriko pieza berria, fandango erritmoan.
4. Latinarin / Iñar Sastre
Urruneko erritmoen kutsua gure dantza erritmoekin uztartuz, arin-arinarekin. Jostakina eta ezkutuko zitez betea.
5. Haurrak lotaratzeko soinua Herri doinua / Jagoba Astiazaran
Goxo eta leun aurkeztu nahi izan ditugu duela ia 200 urte Iztuetak jaso zituen doinu eta hitz zaharrak. Bereziki eskaini nahi diegu Ibai eta Norari, baita diskarekin batera argia ikusteko bidean denari ere. Goxotasunez lotarazi zaitzaten.
“Haurtxo txikia sehaskan dago, ama emazu titia
Aita gaiztoa tabernan dago, pikaro jokalaria.”
6. Banintz / Jagoba Astiazaran
Bizkaiko dantzari dantzako doinuak zortziko erritmoan desitxuraturik agertzen dira hemen. 5/8ko erritmoan sartu nahi duten zortzikoak. Izan nahi eta ezin. Ai zortziko banintz!
7. Izar ederra Herri doinua / Iñar Sastre
Eñaut Elorrietaren ahotsean euskal doinu tradizionala, ezpata dantza erritmoan emana. Sorkuntza berri batekin loturik aurkezten dugu.
“Izar ederra, zauzkit gogoan biotzeraño sarturik:
orrengatikan amoriua Aundia dizut nik zuri.
Ez tut deseo beste Indiarik Bazindauzkit lograturik
Bentatik nator, bentara noa, bentan da nere gogoa
bentako arrosak krabelinetan hartu dut amorioa
ez tut deseo beste Krabelinetan daukit amorioa.”
8. Altzaporru Ezezaguna / Joana Ortega
Txistulari zein trikitilariek sarri erabiltzen dituzten bi fandango dantzan jarri ditu Joanak, eraberritu eta gaur egunera ekarri.
9. Alurr / Joana Ortega
Arin-arin dibertigarri eta alaia, kutsu tradizionala izan dezakeen doinuei zuku berria atereaz. Batu gintuen Alurr dantza taldeari eskainia, bere 25. urteurrenean.
10. Ezpata dantza Herri dantza / Jagoba Astiazaran
Iztuetak 1824ean jaso bezala, Gipuzkoako ezpata dantza ezaguna, baina txistu eta pianorako egokitzapen berri batekin.
11. Txantxo dantza / Iñar Sastre
Abaltzisketako ihauterietan dantzatzen den Txantxo dantzatik abiatu eta mundu klasikora eramandako sorkuntza da. Piano bakarrerako sortua.
(12.) 13. Kale edo bale / Iñar Sastre
Ezin diska kalejirarik gabe itxi. Jira edo buelta asko ematen dituen biribilketa, Arineketan arin eta saltoka agurtzeko.

Fitxa

• Izenburua: Arineketan
• Egilea: Jagoba Astiazarn eta Iñar Sastre
• Kolaborazioak: Ainara Ortega, Eñaut Elorrieta, Xabier Zeberio eta Agate Amilibia.
  
• Argazkiak: Oscar Matt
• Prezioa: 12 €  Erosi diskoa

Arineketan

Iñar Sastre eta Jagoba Astiazaran
2020, iraila