Kalaxka hotsak La Vijaneran, urteko lehen inauterian

Kantabriara hurbildu gara inauteri entzutetsu hau bertatik bertara ezagutzera eta gozatu dugu zinez. 600 biztanleko herri txiki eta polita da Silio, eta eguraldi bikaina lagun inauteri aberats eta zaratatsua ezagutzeko aukera izan dugu.

Zarramaco-ek Iturengo joaldunekin duten antzekotasuna ez dago zalantzan jartzerik, baina La Vijanera inauterien inauteri bat iruditu zaigu, hango eta hemengo inauterietan sakabanatuta ageri diren hainbat pertsonaia bata-bestearen segidan ageri baitira bertan. Hartza eta domadorea, zaldikoa, agure bikotea, traperoak, hostoz, goroldioz, artazalez zein artaburuz zein jantzitakoak, azeria,  dantzariak, haurdunak, petrikilo eroak,... Inauterietako arketipoen bilduma izugarria da La Vijanera.

Interes turistikoko festa izendapena izan arren, kexu ageri dira La Vijanera antolatzen duen elkarteko kideak herriko Udalaren laguntza urria dela salatuz, eta koplak kantatzerakoan oroitzapen goxoak izan zituzten herriko alkatesarentzat.

Hona hemen Silio-ko La Vijanerako irudiekin prestatu dugun bideo labur bat.
 

• Ikusi hemen Silio-ko La Vijanera inauteriko argazki sorta bat.