Agenda

*2026ko KaldeArte - Gasteizko Kaleko Arteen Nazioarteko Erakustaldiaren barne.

*2026ko KaldeArte - Gasteizko Kaleko Arteen Nazioarteko Erakustaldiaren barne.

Gero eta eskatzaileagoa den gizarte-ispilu baten aurrean, badirudi estrategia posible bakarra gauero intentsitate handiagoz distiratzea dela. Hainbeste kontsumitzen den prezioa sitsek argitik gertu hegan egiteagatik ordaintzen duten prezio bera da: berezko "burnout" batean su hartzeko aukera.

Fitxa artistikoa: 

• Iraupena: 12 min.

• Koreografia eta zuzendaritza artistikoa: Judith Argomaniz

• Antzezleak: Garazi Etxaburu, Ioar Labat eta Leire Otamendi

• Dramaturgia: Judith Argomaniz eta Fernando Epelde

• Musika sorkuntza: Fernando Epelde

• Testua: Puy Barral

• Jantzien diseinua eta jantzigintza: Xabier Mujika

• Argazkia eta bideoa: Renata Laszczak

• Laguntza: Donostia Kultura, Eusko Jaurlaritza, Etxepare Institutua eta Gipuzkoako Foru Aldundia

*Bi saio: 12:30ean eta 19:00etan

Dantzakia deitzen zaio Etxarri Aranatzen egiten duten soka-dantzari. Hau, San Kiriko, San Adrian eta abuztuaren 15ean, Ama Birjinaren egunean dantzatzen da.

Goizean goizetik hurbiltzen dira etxarriarrak San Adrian ermitara han egun osoa igarotzeko asmoz. Familian bazkaldu ondoren, txistulariak mahairik mahai igarotzen dira kalejira, fandango eta arin-arin doinuekin giroa alaituz. Ondoren, kintoen txanda da, 18 urte bete dutenek ateratzen baitute soka-dantza edo Dantzakia, eta nahi beste gaztek parte hartzen dute bertan. Amaitzean herrira egiten dute buelta guztiek txistularien laguntzarekin, baina bidean zenbait geldialdi egiten dituzte udalak eskaintzen duen ardoa dastatzeko. Behin Etxarrira iritsi baino apur bat lehenago eta jada ilargia irtenda dagoela, txistulariak berriro ere Dantzakia jotzen dute. Orduan iristen da zoramena, bertan nahi duen orok parte hartzen baitu. Horrela egiten dute bidea herriko plazaraino, Dantzakia dantzatzen. 

• Etxarri Aranatz: San Adrian 2014 Dantzakia [Bideoa]

Arte y Movimiento Dantza Estudioko ikasleek honako musikala eskainiko dute: Mary Poppins izeneko umezain magiko bat iritsiko da Gaztambidera Arte y Movimiento Dantza Estudioko ikasleekin batera bi haur bihurri zaintzera, familia osoarentzako ikuskizun batean.

*2026ko Pasaiako Dantza Festibalaren barruan.

Osa + Mujika konpainiaren sorkuntza berria da Tupper: "Bultzatzen gaituen perfekzioarekiko eta lehiakortasunarekiko obsesioaz hitz egiten du piezak. Perfekzioa, atzetik segika dugun obsesioa, ukiezina, beti gure saiakera oro baino pauso bat harago dagoen hori. Saiatuko naiz. Behin eta berriz. Baina albokoa ni baino perfektuagoa denean: lehia. Bizitza honen funtsa. Etengabe besteak gainditzera eta onena, perfektuena izatera garamatzan indarra. Bidean, ordea, erotu egingo gara, beti topatuko baitugu gu baino zuzenagoa, osoagoa eta gaindiezinagoa den norbait".

• Zuzendaritza: Osa+Mujika
• Koreografia: Jaiotz Osa
• Dantzariak: Rafke Van Houplines, Paula Parra, Jaiotz Osa
• Musika: Gartxot Unsain, Olaia Inziarte
• Jantziak: Xabier Mujika
• Irudiak: Renata Etanowski

*2026ko Pasaiako Dantza Festibalaren barruan.

Isaac Albénizen "Córdoba" konposizioa. Oroimenetik, nire haurtzaro eta nerabezarotik. Garai hartako desioak berreskuratzen eta orain nagoen ikuspuntutik begiratuta. Musikaren klasiko batekin eta espainiar dantza ohikoekin berriz aurkitzea, eta nire bilakaera artistikoa sortzen juan diren esperientzia eta ezinegonekin zeharkatzea. Beti izandako bihozkadara joz berriro aztertu eta berridatzi dut.

Interpreteak

• Dani Hernández, ideia, kontzeptua eta kreazioa
• Evil Kate & Vastarde, música (Isaac Albéniz-en “Córdoba”n oinarritua)
• Dani Hernández, jantziak
• Emilio Morales Un Mundo de Danza, jostunak
• Etanowski, argazkiak
• Maia Villot, oihalaren tratamendua fantasiarekin
• Isaak Erdoiza, Sara Cano, kanpoko begia eta segizioa
• Bobo Espazioa, Clau de Sol, eskertza

*2026ko Pasaiako Dantza Festibalaren barruan.

Sirena bat eternitatera begira kantatzen ari da, eta ez daki inor entzuten ari ote den. Baina horrek axola al du? Unibertso poetiko, bizi eta zintzoa.

Trembling Frequencies piezapoetikoa eta bizia da, zeinean dantza eta mitoa elkartzen diren. Sirenengan inspiratutako lana da. Sirenak izaki boteretsu eta misteriotsuak ziren; beren kantuarekin erakarri eta liluratu egiten zuten. Obra botere horretan murgiltzen da; sirenen larruazalarekin sentitzeko, sirenen begiekin existentzia ikusteko, eta beren ahotsaren misterioan galtzeko.

Nortasunari, bakardadeari, amorruari eta ahots artistikoari buruzko hausnarketa pertsonala irekitzen da.

Fitxa artistikoa:

• Ideia, koreografia eta dantzaria : Helena Wilhelmsson
• Zuzendaritza eta koreografia : Jordi Vilaseca

*2026ko Pasaiako Dantza Festibalaren barruan.

Mitoaren sustraia eta lurrean uzten dugun aztarna arakatzen dituen dantza pieza, gorputz bizi eta dardarkari baten bidez.

Hodei Iriarte eta Alberto Serranoren Aatxe euskal mitologian murgiltzen den dantza garaikideko pieza bat da. Mugimendu eta soinuaren bitartez, lanak naturarekin dugun harremana aztertu baita basa-izatearen pultsua arakatzen du gorputzean. Sustraiaren eta modernitatearen arteko elkarrizketa xume bat, non arbasoen ondarea mugimendu bihurtzen den, lurra guregan eta gu lurrean bizi garela gogoraraziz.

Fitxa artistikoa: 

• Zuzendaritza artistikoa, koreografia eta dantzariak : Hodei Iriarte, Alberto Serrano
• Konposizioa eta soinu espazioa : Hodei Iriarte
• Jantzitegiaren diseinua : Alberto Serrano, Enrique Ferrando, Edurne Kaperotxipi
• Atrezzo: Paloma Argibay, Daniel Thoms

*2026ko Pasaiako Dantza Festibalaren barruan.

Sonus Fossio, edo soinu-indusketa, materiala agerira ekartzeko eta ezkutuan dagoena ikustarazteko akzio da. Oihanak sortze-prozesuko materiala aurkezten du; Lorea Burgerekin sortutako koreografiak, RRUCCULLAren soinu eraikuntzak eta Iker Gozategiren eta Etanowskiren ikus-entzunezko materiala.

Fitxa artistikoa:

• Koreografia eta interpretazioa: Oihana Vesga
• Musika: RRUCCULLA
• Argazkia: Iker Gozategi
• Bideoa: Etanowski
• Kanpo begirada: DPVillanueva
• Interpretea prozesuan eta obran: Lorea Burge