Agenda

*LABO GO 2026 jaialdiaren barne.

Brechten El resistible ascenso de Arturo Ui sortze prozesua aurkezten du konpainiak, kabaret-zirku gisa. Jardunaldi honetarako ikerketa ariketa gisa, rolak trukatuko dituzte; aktorea akrobata izango da, akrobata aktorea eta dantzaria musikariarekin elkarrizketan dago.

Fitxa artistikoa: 

• Dantzaria, koreografoa, zuzendaria: Emilie Camacho
• Antzerkigilea, aktorea, zuzendaria: Thomas Resendes 
• Akrobata, koreografoa: Lucien Reynes
• Perkusionista, konpositorea: Nouhem Charliac

Programa:

• 18:30. Ateak irekitzea
• 19:00. Sortze-prozesuaren erakustaldia (fisikoa eta akademikoa)
• 19:40. Solasaldia

Iraupena: 60 minutu

Sarrera librea. Beharrezkoa erreserbatzea

*2026ko Pasaiako Dantza Fertibalaren barruan

Ba al dago denontzako lekurik bizitza honetan? Batzuetan badirudi leku hori galdu egiten dugula edo kendu egiten digutela. Bizitzari nola aurre egiten diogunari buruzko hausnarketa bat da: nola? Elkarkidetzan.

Ardatz nagusia belaunaldien arteko topaketa da, pertsonen arteko lotura horizontalak sortuz.

Bizitzaren hainbat eremutan okupatzen dugun espazioari buruzko hausnarketa da; konfort-eremutik irten eta topaketa berriak, ilusioak eta pentsatzeko modu berriak sortzeko aukerei espazioa ematen diegu.

Inklusibotasunaz hitz egin beharrean, sentitzen dugunari baimena ematen diogu.

Fitxa artistikoa:

• Zuzendaritza: Oihana Varela (Camínate proiektua)
• Dantzariak: Marian Perea, Marian Ruiz, Ana Rodriguez, Carmen Nava, Coro Segues, Amaia Rodriguez, Ana Iturgaiz, Mariasun Gonzalez, Koruko Oyarzabal, Jone Amezaga, Denis Martinez, Laura Latasa, Ane Payer, Maddi Gaztelumendi eta Saray Hazas
• Musika: Iker Gonzalez
• Bideoa eta argazkiak: Etanowski

Split Flow?

Dantza optikoko pieza honetan, artistak bi baldintza fisiko desberdin –dinamiko eta estatikoa– uztartzen ditu, errealitatean dagoen dualtasuna bistaratzeko. Pieza, hasiera batean, Herbehereetako Van Abbe Museoak agindutako argi-instalazio bat zen, abiadura argi-marren bidez adierazteko esperimentu bat. Split Flow lanaren bertsio koreografikoan, Umedak, lehenik eta behin, abiadura, indar eta eskala desberdineko mugimenduak txertatzen ditu, eta, gero, etenik gabe garatzen den fluxu koreografiko araztu bat garatzen du. Beste era batera esanda, eszenatoki gainean Umedak bere mugimenduen bidez nabarmentzen duen errealitate dualak, alde batetik, zati mikrokosmikoak ditu, eta, bestetik, jarraitutasun makrokosmikoa. Espazio-denborazko hainbat egiturarekin geruzatutako mugimendu aberatsen bidez, ikusleek zentzumenez sumatzen dute ingurunea dentsitate desberdineko bitartekoez betetzen dela une batzuetan, hala nola urez, olioz eta airez. Split flow lanean, publikoak aurkitzen dituen errealitateak soilik ikus daitezke dantzariaren gorpuztasun emankorraren bidez.

Fitxa artistikoa:

Assimilating

2023an sortutako lan hau da Hiroakiren bakarkako lanik berriena. Bertan sorkuntza-prozesua bere gain hartu zuen osorik. Iraupena, gutxi gorabehera: 20 minutu.

"Umedarentzat, dantza eta giza gorputza fenomeno naturalak dira, hainbat faktoreren arteko harremanetik eratorriak. Simulazio fisikoen bidez sortutako irudi grafiko organiko eta jariakorrak eta giza gorputza mugimenduaren bidez lotzen dira, hizkuntza komun balitz bezala. Hiroaki Umedaren azken lan honetan gorputza aldi berean hedatzen eta desagertzen da, eta artistak gorputzaren eta mugimenduaren izaerari buruz duen ikuspegiaren eta pentsamenduaren adierazpena da".

*2026ko Pasaiako Dantza Festibalaren barruan

Henko transformazio-prozesua ardatz duen dantza garaikideko pieza da; beldurraren aurrean, ahultasuna zaintza bihurtu eta ausardia mugimenduan garatuz.

Dantza garaikideko pieza honetan, eraldaketaren muinean kokatzen gara. Zalantza eta ziurgabetasuna ez ditugu baztertzen: gure bidearen parte bihurtzen ditugu, elkar zainduz aurrera egiteko. Henko-n gure aldaketaren protagonistak gara, garenaren eta izan gaitezkeenaren mugak arakatuz, bidea bera biziz.

Fetxa artistikoa: 

• Sorkuntza: Iñigo Rementeria eta Laura Latasa 
• Koreografia eta interpretazioa: Iñigo Rementeria eta Laura Latasa
• Soinu diseinua: Iñigo Rementeria eta Laura Latasa
• Jatorrizko musika: Biosphere, Caterina Barbieri eta Rival Consoles
• Kanpo begirada: Ainhoa Usandizaga eta Matxalen Bilbao
• Ekoizpena: Diskordia koletiboa 
• Babesa eta egoitzak: Gipuzkoako Dantzagunea, Zingirarte, MUTIS Espazioa, Espacio Punto de Fuga

*2026ko Pasaiako Dantza Festibalaren barruan

Hitz gutxitan bidaia emozional bat da, gure berpizkunde eta berrikuntza esperientziei buruz gorputzaren bidez
hausnartzera gonbidatzen gaituena. Eraldaketaren edertasunarekin batera, oraingoan, Neønymus diziplina anitzeko artistak sortutako soinu-espazioa dator. Sortzaile honek bere ahots guztiz pertsonala teknologia eta tresna ezohikoen konbinazio ausart batekin fusionatzen du (hezurrezko txiruletatik sardexkatara). Amaia Elizaran konpainiaren lan berria esperientzia zirraragarria eta eraldatzailea izango da, eta ikuslearekin konektatuko duena hiru osagai batuz: dantzaren espresibidadea eta ikusgarritasun fisikoa, proposamen musikal imitaezina eta inprobisazio maila handia. IRAUNen hirugarren zutabea den hau -inprobisazioaren aldeko apustua- Amaia Elizaran konpainiaren proposamen artistikoan etengabekoa da eta orain beste aurrerapauso bat ematen du.

Pieza berria eta bakarra izango da interpretatzen den bakoitzean. Aldaketa- eta bilakaera-prozesu bat izango da IRAUN, azken finean, geure buruaren bertsio berri baterantz.

Fitxa artistikoa:

• Koreografia etaInterpretazioa: Amaia Elizaran
• Zuzeneko musika eta ahotsa: Silberius de Ura – “Neonymus”