Agenda

Irailaren 8an ospatzen da Eibarren Arrateko eguna. Arrateko Dantzarien Kofradiak, Usartza txistulari taldearen laguntzarekin, Arrateko ezpata-dantza eta trokeo-dantzak eskainiko ditu.

• 11:00etako mezan ezpata-dantza.
• 12:00ak aldera hasten den prozesioaren bukaeran ezpata-dantza.
• 12:30etatik aurrera, ezpata-dantza eta trokeo-dantzak zelaian.

Irailaren 8an, Muskildako Ama Birjinaren omenez ospatzen den festan eskaintzen dute Otsagabiako dantzariek beren urteko emanaldi nagusia. Goizean Muskildara igo eta bertan dantzatzen dute 12:00ak inguruan. Arratsaldean aldiz, herriko plazan eskainiko dituzte Muskildako Ama Birjinaren dantzak 18:00etan. 

Sagrarioko Amaren jaiak ospatzen dituzte Lizartzan eta ospakizunen baitan dantza-soka egingo dute.

Dantza-sokaren ondoren dantza emanaldia ere eskeiniko du Otsolar dantza taldeak.

Eltziegoko dantzak eskainiko dituzte herriko dantzariek Ama Birjinaren egunean.

12:15ean, Plazako Ama Birjina elizara jaistea agintariekin, Musika Bandak, dantza taldeak eta gaiteoek girotua.

12:30 Meza San Andres Elizan.

Ondoren, Mezaren ondoren prozesioa agintariekin, musika bandak, dantza taldeak eta gaiteroek lagunduta baselizaraino; bertan Eltziegoko dantza taldeak eta gaiteroek patroia omenduko dute.

Zestoako udal ordezkariek eta Itxaropena dantza taldeko kideek dantzaurrea aterako dute Ama Birjin egunean, meza ondorenean.

*Lekeitioko 2025eko jaiaetako egitarauaren barne.

Dantza, mugimendua da. Mugitzea, funtsean, gorputz bat lekuz aldatzea. Lekuz aldatzean gorputzaren barruko guztia mugitzen da harekin: ametsak, beldurrak, minak eta itxaropenak. Gorputzak irekitasuna behar du mugitzeko: irekia egon mugimendua abiatzeko, irekia egon mugimendua jasotzeko. Aukeran Dantza Konpainiak emanaldi honekin hori bera proposatzen dio publikoari: mugimenduari irekitzeko ariketa bat. Ireki gogoak, ireki kuriositatea, ireki gorputzak. Zer da dantzari izatea ez bada, funtsean, mugitzea: gorputz bat lekuz aldatzeko prest egotea, eta leku berri horretan norbera den gorputza berriro deskubritzea.

• Egilea: Aukeran Dantza Konpainia
• Zuzendaritza: Edu Muruamendiaraz
• Musika: Xabi Aburruzaga
• Koreografia: Ane Anza, Maier Muruamendiaraz
• Jantziak: Oscar Armendariz
• Dantzariak: Ane Etxeberria, Nahikari Sanchez, Uxue Sanchez, Ane Anza, Nora Muro, Laida Egaña, Danel Serrano, Claudia Talavera

Duguna-Iruñeko dantzariek soka-dantza eskainiko dute udal plazan, Batasunaren pribilegioaren ekitaldien baitan.

Zahagi-dantzarekin eta dantzaurrearekin amaituko dituzte festak Zestoan. Itxaropena dantza taldeko zahagi-dantzariak kalez kale ibiliko dira Zestuko Trikitixa Elkarteko eta Idiakatzeko txistulariekin batera. Plazara iristean dantzaurrea egingo dute.