Agenda

AIKO Taldeko Argi Zameza (kantua eta panderoa), Aitor Furundarena (kantua eta akordeoia) eta Sabin Bikandi (danbolinteroa) kideek Aikopeko proiektu berria aurkeztuko dute.

Talde hau musika eta dantza edozein herri, auzo edo ospakizunetara eramateko asmoz jaio da, beti ere freskotasunez, kalitatez eta publikoarekin konplizitatez egina.

Oraingoa kantua izango da protagonista nagusietako bat, “Argiren ahotsa akordeoiarekin eta danbolinarekin uztartuz. Horrela, askatasunez eta konplexurik gabe jositako errepertorioa eskainiko dugu: gure tradizioko jota eta dantza jauzietatik hasi eta boleroak, tangoak edota habanerak bezalako Hego Amerikako erritmo klasikoetara iritsiz”.

Aikopeko ekimena jai partekatua izango da, non musika eta dantza modu naturalean batuko diren, publikoari parte hartzera, mugitzera eta gozatzera gonbidatuz.

Ongi elkar ezagutzen dute bi hauek. Badu zenbait urte orain Mizel Theret koreografoak eta Beñat Achiary abeslariak, elkarrekin kantatzen dutela. Dantzaren lirismo abstraktua Beñat Achiaryren erraietako kantuarekin topo egin eta harekin uztartzen, hura elikatzen edo kurritzen duen bide luze partekatua. Oroituz bizitzen gara, abesten du Etxahun-Barkoxe, diptiko honen muinean dagoen euskal literaturako olerkari mitikoak. Ohidurari, oroimenari eta modernitateari diogun harreman intimoa aipatzen dute. Pilotariaren gisako jestu errotutik, kantuak eta dantzak klaskatzen dute, pilotak frontoairen kontra egiten duen bezala.

• Iraupena: ordu bat

Donostiako Euskal Jaietako dantzari ohien Esku-dantza amaitu ostean, Donostia Festak eta Donostiako Udalaren Txistulari Taldeak antolatuta, euskal dantza tradizionalen  erromeria ospatuko da Plaza Berrian. Udalaren Txistulari Taldearen eskutik kalejira, fandango, arin-arin, muxiko, polka eta abar luzea ikasi eta dantzatzeko tartea izango da Aitziber Aiesta dantza-maisuaren laguntzaz.

Programa.

2000 urtean sortu obra handinahia dugu, koreografoaren inspirazio zuzena zen Euskal Herria iturri ukan duen baleta bakarra da leiendak kantatzen duen Chambre d’Amour obra. Peio Çabalette-ren jatorrizko partitura dirdiratsuan bermaturik, amodiozko mitoak parabola gogoetatsuan biltzen ditu Itsasoaren aitzinean olerkiz, indarrez eta minez beteriko baleta honek.

*Iraupena: 1:05