Agenda

Abuztuko Ama Birjinaren ondoko igandean ospatzen da Lakuntza Pertza festa, Aralarko santutegian. 11:00etan meza ospatu, eta ondoren tripotak, ardoa eta ogia banatzen ditu Lakuntzako Pertza elkarteak, eta Bil-toki gazte elkarteko kideek Lakuntzako Pertzako eguneko dantzak eskaintzen dituzte. Makil-dantza batekin hasten dira, astoa dantzarien artean lagunduz, eta ondoren alkate-dantza egiten dute.

Oroimen hortan oinarrituz, Dantzarinak elkarteak 1990eko hamarkada arakatu nahi du: antzerki talde berrien sorrera, euskal elkarte eta euskal kulturaren garatzea. Gizon baten pasio batetik abiatuz, gure iragana eta oraia kondatuko dautzuegu. Lekukotik mundu zabaleraino, Armendaritzeko esperientziak guzientzat balio izanen du! 

Armendaritzen, 390 herritarrekin, dinamika haundi bat sortu da. Euskal kantua betidanik entzun da hemen: elizan, herriko bestetan, edo antzerkiko atsedenaldietan haurrek kantatzen dutelarik. Eta 2021etik goiti, euskal dantzak irakasten dira herritarreri. 

Horrela, herritar batzuek pentsatu dute : zergatik ez ikuskizun bat sortu, euskal tradizio guziak elkartzen dituena : antzerkia, kantua eta dantza? 90 dantzari, 18 antzerkilari, 35 kantari, 10 dendari, eta laguntzaile andana bat elkartu dira Xebastieni ohore emaiteko! Profesional batzuk ere gurekin dabiltza, gogotsu. Abentura haundi bat da, euskal balore eta ohiturak eguneratuz, biziarazteko. Hori da gure xedea! 

Plaza hunek bil ditzala belaunaldi zahar eta berriak, euskararen inguruan, gure hizkuntza eder hunen inguruan! 

*Luhusoko besten karietara.

Konpainiak ikusgarriaren bitartez, hainbat herri eta probintzietan dantzatzen diren fandango eta jotak eginen ditu, hala nola, Asturias, Galizia, Aragoi, Bizkaia, Gipuzkoa, Bilibia eta Lapurdikoak. 11 emazte eta 11 gizonez osatua, jota eta « fandangillo » - en sotiltasunak erakutsi nahi izan ditu, estilo ezberdinak, goxotasuna eta bikoteko harremanak landuz. Kantatutako koplek, dantzen segida hartzen dute. 35 minutuko animazio, bizi eta alaia, plazeko dantzaldi baten gisaren partekatzea du helburu. Jantziak 50. hamarkadakoak izanen dira, garaiko giroan publikoa murgiltzeko.

*Burlatako 2025eko Jaien barruan.