Agenda
Maritzuliren erakusketa + Xabier Itzainaren mintzaldia
2025/07/04 16:00
Irisarri, Herriko Etxea
- 18:15: Maritzuli konpainiaren jantzi erakusketaren estreinaldia
- 19:15: Xabier Itçainaren mintzaldia Kabalkadak Irisarri eta inguruetan: ikuspegi historiko bat gaiaren inguruan
Tokiak atxikitzeko (leku mugatuak): 06 58 23 62 20 (Jokin)
Qabalum: Todo este ruido
2025/07/04 16:00
Bilbo, Doña Casilda Parkearen Pergola
Bi saio: 18:00 eta 20:30
*2025eko Bilboko Kalealdiaren barne.
Beharbada, bizitza guztiak elkarri lotuta daude, natura kode ulertezina, kaotikoa eta absolutua delako, eta akatsa delako bere aldagarritasun bakarra. Eta agian ekosistema matematiko batean bizi gara, eta gorputza abatar moduko bat da, eta genoma algoritmo bat. Eta nire atomoak eta zureak, irudi baten pixelen gisa, akaso ez dira gureak, eta egunen batean banandu eginen dira beste irudi batzuk eta beste istorio batzuk sortzeko. Eta zu eta ni oso urrutitik etorri gara, apika, kosmos osoa zeharkatuz justu hemen amaitzeko, eta apurka-apurka deseginen gara dagoeneko parte garen eternitatean...
Fitxa artistikoa:
- Sorkuntza: Diego Pazó & Lucía Burguete
- Interpretazioa: Diego Pazó, Lucía Burguete & Joan Cano (drona)
- Laguntza teknikoa: Liberam Technologies
- Argiztapena eta espazio eszenikoa: Fermín Blanco & Diego Pazó
- Jantzien konponketak: Eva María González
- Musika: VV.AA (Diego Pazóren konposizioa)
- Ikus-entzunezkoa: Bárbara Fernández & David Mendizábal
- Jatorrizko testua: Diego Pazó
- Banaketa: Patty Hanpatua produccionespatto@gmail.com
- Esker onak: Akira Yoshida, Sandra Muñiz, Martxel Rodríguez, Jon López
Tio Teronen semeak: Haurreskolari
2025/07/04 18:30
Legazpi, Euskal Herria plaza
Honela aurkezten du Tio Teronen semeak konpainiak ikuskizuna: "Gure koadrila xelebrea ikastetxera bueltatu da!! Bertan, gure bizitzaren parte izan diren egoera eta doinuen bitartez, une ahaztezinak biziberrituko dituzte. Ikasitakoa desikasten saiatuko dira, ikusleen eskutik, ikasketa prozesu berri bat umorez eraikitzeko asmoz. Denak gelara, txirrina jo du eta!!"
*Eguraldi txarrarekin, Azokan
Amaia Elizaran + Neonymus: Iraun
2025/07/04 19:00
Zarautz, Frontoi Txiki
*Kalerki 2025 - Zarauzko Kale Antzerki Jaialdiaren barne.
Hitz gutxitan bidaia emozional bat da, gure berpizkunde eta berrikuntza esperientziei buruz gorputzaren bidez
hausnartzera gonbidatzen gaituena. Eraldaketaren edertasunarekin batera, oraingoan, Neønymus diziplina anitzeko artistak sortutako soinu-espazioa dator. Sortzaile honek bere ahots guztiz pertsonala teknologia eta tresna ezohikoen konbinazio ausart batekin fusionatzen du (hezurrezko txiruletatik sardexkatara). Amaia Elizaran konpainiaren lan berria esperientzia zirraragarria eta eraldatzailea izango da, eta ikuslearekin konektatuko duena hiru osagai batuz: dantzaren espresibidadea eta ikusgarritasun fisikoa, proposamen musikal imitaezina eta inprobisazio maila handia. IRAUNen hirugarren zutabea den hau -inprobisazioaren aldeko apustua- Amaia Elizaran konpainiaren proposamen artistikoan etengabekoa da eta orain beste aurrerapauso bat ematen du.
Pieza berria eta bakarra izango da interpretatzen den bakoitzean. Aldaketa- eta bilakaera-prozesu bat izango da IRAUN, azken finean, geure buruaren bertsio berri baterantz.
- Koreografia etaInterpretazioa: Amaia Elizaran
- Zuzeneko musika eta ahotsa: Silberius de Ura – “Neonymus”
Komorebi: Argilunak
2025/07/04 20:00
Lekeitio, Talako Heliportua
*Lekeitioko Kaleka 2025 - Nazioarteko Kale Arteen Jaialdiaren barne.
Argilunak dolu prozesu batetik sortutako lana da, galera batek eragindako krisitik abiatu zena. Dantza eta ikus-entzunezko arteak uztartuz, bizitzaren izaera duala sinbolizatu eta mugen inguruko tentsio globalak esploratzen ditu. Espazio honetan muga horiek gainditzen dituzten aukerekin exploratuko da.
Proiekzioen bidez, ohiko ikuspegi frontala apurtu eta gertutasuna eskainiko da, materiala eta ez-materialaren arteko mugak zabalduz.
Dualtasun orok duen alde ilunen presentzia onartu eta leku bat aitortuko zaie, argi-ilunen koexistentzia aldarrikatuz.
Fitxa artistikoa:
- Egilea: Komorebi Produkzioak
- Zuzendaritza: Garazi Egiguren Urkola
- Musika: Mattin Zeberio Larraza
- Eszenografia: Amaia Santamaria Andrés
- Koreografia: Nerea Gurrutxaga, Garazi Egiguren Urkola, Eneko Galdos Etxaniz
- Antzezleak: Amaia Santamaria Andrés, Garazi Egiguren Urkola, Eneko Galdos Etxaniz, Nerea Gurrutxaga Arruti
Kukai: Yarin site
2025/07/04 20:30
Bilbo, Arriaga Plazan
Proiektu honetan, Jon Maya eta Andrés Marinek euren sorkuntza eta esperientzia batzea erabaki dute, haietan euskal kulturak eta flamenkoak dituzten elementu komunetan sakonduz, euren jatorrietan oinarrituta eta sustrai horietatik elkarrizketa sustatuta. Jatorri euskalduna eta flamenkoa duten dantzak uztartze nahiak batu ditu bidean. Julen Achiary kantari eta musikari baionarra lagun dute oholtzan.
Fitxa artistikoa:
- Dantzariak :Andrés Marín, Jon Maya
- Zuzeneko musika: Julen Achiary
- Koreografia: Andrés Marín, Jon Maya, Sharon Fridman
- Dramaturgiako eta interpretazioko laguntzailea: Sharon Fridman
- Koreografiako laguntzailea: Melania Olcina
- Sormen-ekoizpena: Doltza Oar-Arteta
- Argiztapenaren eta espazio eszenikoaren diseinua: David Bernués
- Soinu-espazioaren diseinua: Xabier Erkizia
- Jantzien diseinua: Ikerne Giménez
- Lantalde teknikoa: Acrónica Producciones
- Administrazioa: Elena García
- Ekoizpena: Kukai Dantza
- Korpoduktoreak eta erakunde laguntzaileak: Sala BBK Bilbao, Bienal de Flamenco de Sevilla, Ayuntamiento de Errenteria, Festival Escenas de Patrimonio, Festival de Itálica, Malandain Ballet Biarritz, Teatro Victoria Eugenia, Instituto Vasco Etxepare, Cátedra Mikel Laboa
