Agenda

Hernaniko San Joan festetan tradizio handiko azeri-dantza egiten dute goizean. San Joan bezperan, gazteen azeri-dantza ateratzen dute. 9:00etan hamabost lagun inguru biltzen dira; esku batekin sokari helduta eta bestearekin maskuria hartuta. Kalez kale ibiltzen dira, eta kalean daudenak jotzen dituzte maskuriarekin. Lagun horiek herriko hainbat bazterretan ezkutatzen dira, eta berriro ere plazan biltzen dira.

Eta ekainaren 25, 26 eta 27an helduak irtetzen dira.

*2025eko Bilboko Kalealdiaren barne.

Bi saio: 19:00 + 21:00

Adina: +12 urte

Pieza honek etxekotzearen kontzeptua errebeldia-ekintza gisa tratatzen du, tradizioaren kultura-errituen eta hibridazio koreografikoaren berezko formen arteko pultsua egitea ahalbidetzen duena.

Flamenkoaren, dantza espainiarraren eta garaikidearen artean, hainbat kontzeptu arakatzen ditu, esate baterako, krudeltasuna, botere-abusua eta ohoreak, ohiturek edo sinesmenek sorrarazitako indarkeria. Dantzaren bidezko matxinada-egintza bat, erresistentzia-praktiketan eta itunetan inspiratzen dena, jakitun izanik araua iraultzea dela salbaziorako bide bakarra.

Fitxa artistikoa: 

San Juan bezperako soka-dantza Iruñeko Duguna dantza taldeak emana. Arratsaldeko 19:30ean 23an, Santa Ana plazan.

Urte oroz bezala Udaburuko suak piztuko dira gure mendietan, Zuberoan, Nafarroa Beherean, eta agian beste zenbaitetan, nork daki: Ekainaren 23an, igandea.

Itzaltzun, esaterako, 20:00etan elkartuko dira Betzulara igotzeko.

Jondane Johaneko dantza

Urteak jin eta bihikatzen bata bestea(re)n ordari
Ihautez piztürik sü berria eki begia beilari
Exker negüa esküin argia
Jauzi aitzina dantzari
Doblez ützüli esküak ützi
Pikaz üngüra süari

Izarren hautsa zü Amalürra gaudenen bizi emaile
Argizagia eta ekia zure bi haurren sortzale

Exker negüa...

Goren gorenik gure izarra xuri gorri argizale
Ekia gaü egünen egile zü denboraren jakile
Exker negüa esküin argia...
Beherapenaren aldia da gora dagon güziari
Üngürü üngürü urtaroak egünak zor dü gaüari
Exker negüa esküin argia...

Mixel Etxekopar 2001

ÜRRATSAK

• Sinple kontrapasez X4

• Exker esküin

• Sinple doble Pika üngüratzez

llunbe Musika Elkarteak Gudarien plazan plazaratu ohi du aurreskua; 20:00etatik aurrera, zuhaitz inguruan aritzen  dira txistularien musikak lagunduta.

Alkatea eta udalbatzaren soka-dantza Goikoplazan. 

Tradiziozko San Juan bezperako Aginterien Esku-dantza amaitu ostean, Donostia Festak eta Donostiako Udalaren Txistulari Taldeak antolatuta, euskal dantza tradizionalen inguruko erromeria ospatuko da Plaza Berrian. Udalaren Txistulari Taldearen eskutik kalejira, fandango, arin-arin,muxiko, polka eta abar luzea ikasi eta dantzatzeko tartea izango da Jon Iraola dantza-maisuaren laguntzaz.

Aurreskua eta soka-dantza San Juan plazan, suaren inguruan, Kemen Dantza Taldearen eskutik.

Errementari dantza Arrasateko euskal musika eta dantza taldeek parte hartuko dute.

San Juan sua, herritarren aurreskua eta San Joan kantaita eskeiniko dira. 

Sua piztu aurretik Erketz EDTak soka-dantza plazaratuko du. Andatza plazan izango da festa, eta dantzariak Kale Nagusitik abiatuko dira bertara, udaletxe zahar paretik.

Oberena dantza taldeko kideek Arrosadiko soka-dantza plazaratuko dute. Aurten Tinkus San Simon taldea omenduko dute.

Gaueko 22:00etan kanpaiak joko dituzte, sua pizteko deia zabalduko da hauekin, eta ondoren, ordu erdi beranduago sua piztuko da plazan, Sorgin Dantzarekin San Joan bezperako festa alaituz.

22:00etan, helduentzako ekitaldian dantzariek “helduen soka-dantza” egin ostean, sua piztuko da. Bukatzeko eta behin sua piztuta, San Joaneko Zortzikoa fandangoa eta arin-arina dantzatuko dira.