Agenda
Dantzari-dantza eta gorulari-dantzak
2025/05/15 10:00
Abadiño
Abadiñoko jai nagusia maiatzaren 15ean ospatzen da, San Trokaz egunean. Egun horretan umeen lehenengoko Jaun-hartzeak egin ohi dira eta Udalbatza osoa joaten da 12:00etako Meza Nagusira. Meza ostean dantzariek dantza saio bat egiten dute udalbatzarkideen eta Jaun-hartzea egin dutenen aurrean. Aurten, ordea, agintariak baino ez dira izango udaletxearen aurrean, inork ez baitu egingo jaunartzea. Bertan, dantzari-dantza eta gorulari-dantzak egingo dituzte.
Malandain: Soireé de Ballets (entsegu irekia)
2025/05/15 17:00
Donostia, Victoria Eugenia
Victoria Eugenia Antzokiarekin duen elkarlana dela-eta, Malandain Ballet Biarritz Konpainiak Chopin eta Saint Saëns musika duen Thierry Malandainen lanaren inguruan entsegu irekia proposatzen du.
Malandain Ballet Biarritzen unibertsoa ezagutzeko aukera izango dugu. Thierry Malandainen Soireé de Ballets kreazioaren zenbait zatien aurkezpenaren ondoren, ikusleek koreografo eta dantzariekin solasaldia egiteko aukera izango dute.
Oharra: Sarrera doakoa da. Gonbidapenak eskuragarri egongo dira maiatzaren 5ean 11:30etik urrera, webgunean (ekitaldi honen fitxan automatikoki azalduko den erreserbatzeko botoiaren bidez) eta Victoria Eugenia Antzokiko leihatilan. Bi gonbidapen gehienez pertsona bakoitzeko.
Ziomara Hormaetxea: Lattice (estreinaldia)
2025/05/15 17:00
Bilbo, AZ Azkuna Zentroa
Lattice fisika kuantikoaren printzipioetan oinarritzen da, errealitate konbentzionala gainditzeko. Gorputzaren eta teknologiaren arteko etengabe hizketan, pieza honek grabitatea esploratzen du, gorputza geruza askotan zeharkatzen duen nonahiko indar gisa: fisikotik kuantikora, espazioa eta mugimendua esperimentatzeko moduak konfiguratuz. Lanak bidaia bat proposatzen du espazio birtualetan, multibertsoetan, non errealitatearen geruza bakoitzak existentziarako eta konexiorako aukera berriak irekitzen dituen, gaur egungo narratibek gure errealitatea eraldatzeko dituzten moduak zabalduz.
Ziomara Hormaetxe euskal koreografoak Lattice mugimenduko lan performatiboa aurkeztuko du. Azkuna Zentroak ekoitzi du, "Europako ACuTe. Culture Testbeds for Performing Arts and New Technology" proiektuaren esparruan, zentroa horren partner estrategikoa delako, Europako Batzordearen Creative Europe-ren laguntzarekin.
Fitxa artistikoa:
- Zuzendaritza artistikoa: Ziomara Hormaetxe
- Zuzendaritza artistiko eta koreografikoko laguntzailea: Fabian Thome
- Interpreteak: Ziomara Hormaetxe, Beatriz de Paz
- New Media Artist/ Artificial Life Scenography: Jaime de los Ríos
- Diseinua eszenografikoa: Jesús Jauregui
- Errealizazio eszenografikoa: Grupo Intermedio
- Soinu-artista: Miguel Marín Pavón
- Ekoizleak: Azkuna Zentroa – Alhóndiga Bilbao, ACuTe. Culture Testbeds for Performing Arts and New Technology
- Laguntzaileak: EBB Biarritz, Ballet Malandain Biarritz, Gernika-Lumoko Udala
Meñakoz: Suak Su
2025/05/15 17:30
Leioa, Udaletxea
*Leioako 2025eko Umore Azokaren barruan.
Gizakia aspaldian hasi zen eguzkia miresten nahiz bere nondik norakoak behatzen eta aztertzen. Historiaurretik, munduko herrialde askotako jendea ohartu zen udako solstizioan izaten zela egunik luzeena eta hortik aurrera eguzkiaren indarra gainbeheran joaten zela. Suaren inguruan dantzan ezagutu izan ditugu sorginak, adibidez. Sua ere gure arbasoek erabili ohi zuten eskuak berotzeko. Sua erabiltzen dugu kozinatzeko. Edo erretzeko. Eta berotzeko. Baita bere inguruan dantzatzeko ere. Etxeko ikur eta etxeko jeinu. Eskaintzeko eta eskatzeko. Euskal kantagintza tradizionalaren, euskal dantzaren eta euskal ohituren berrantolaketa eta birmoldaketa ikuspegi sortzailea.
Fitxa artistikoa:
- Egilea: Meñakoz dantza Taldea eta Zelako Kultur Ideiak
- Zuzendaritza: Gorka Granado Terrones, Itxaso Paia Ruiz
- Koreografia: Gorka Granado Terrones
- Jantziak: Meñakoz Dantza Taldea
Eva Guerrero: Entre Cuerpos
2025/05/15 18:30
Leioa, Udaletxea
*Leioako 2025eko Umore Azokaren barruan.
Entre cuerpos dantza garaikideko pieza da, ohikoak ez diren espazioetarako. Bidaia honetan distantziak eta irudiak aipatzen dira, eginahalak egitea, ozeanoa, apneak eta korronteak aipatzen dira; mugak eta euspenak aipatzen dira. Entre cuerpos lana ideia honetatik abiatzen da: inoren lurra ez da ezein herrialde edo pertsonarena, zeren eta norena da gorputza?
Eva Guerrerok dantza-ikuskizunak sortzen ditu 2005etik, testua eta zuzeneko musikarekin. 2013an DOOS sortu zuen, eta hor batzen ditu dantzako sorkuntza eta bitartekaritza-proiektuak. Bere piezek dramaturgia zuzena, ikusizko eta testuzko poetika daukate, eta dantza ikusteko ohitura gutxi duten ikus-entzuleekin konektatzen dute. Azken sorkuntzen artean daude Gorpuztu (MAX sarietarako hautagaitza 2) eta Tierra de Nadie.
- Kontzeptua eta zuzendaritza: Eva Guerrero
- Antzezleak: Eva Guerrero, Garazi López de Armentia
- Soinua: Carla Sevilla, Yolanda Bustillo
- Argiak: Arantza Heredia, Edu Berja
- Ekoizpena: Doos Colectivo, Jemima Cano
- Laguntzak: Gobierno Vasco, Teatro Arriaga, La Nave del Duende, Sopela Antzokia, Zornotza Antzokia
Larrua: Sangre y klorofila
2025/05/15 19:00
Leioa, Udaletxea
*Leioako 2025eko Umore Azokaren barruan.
Sangre y Klorofila "identitatea eta paisaia kulturala" kontzeptuen inguruan sortutako koreografia da, ikuspegi dramaturgikotik aberria eta sustraiak bezalako gaiak jorratzen dituena. Ameztoyren lanean inspiratuta, piezak irudi indartsuen multzoa aurkezten du, ikuslea naturarekin eta paisaiarekin dugun harremanaz hausnartzera gonbidatzen duena, baita haietan ditugun ideien proiekzioez ere. Sorkuntza honek hartzen dituen espazioak eraldatzen ditu, kolorez, ehunduraz eta poesiaz beteaz. Ñabarduretan delikatua eta fisikotasunean zorrotza den lan koreografikoa da, esperientzia estetiko eta emozional sakona sortzeko diseinatua.
