Agenda

Galdakaon arrakastaz plazaratu ostean, Andra Mari dantza taldeak Pagolara eramango du Galdakaoko Maskarada, bertakoen gonbita onartu ostean.

Goizean zehar Euskal Herriko eta Kataluniako dhainbat dantza talde Oiartzungo kaleetatik zehar ibiliko dira dantzatzen, eta 13:00tan Don Eztebe plazan elkartuko dira ekitaldi nagusirako. Bazkalostean, dantzaldia egongo da plazan; afaldu ondoren, Gabezin taldeak kontzertua ere eskainiko du.

• 11:00etan, dantza-taldeak, Oiartzungo kaleetatik barrena ibiliko dira. 

• 13:00etan, Don Eztebe plazan, ekitaldi nagusia. 

• 18:30ean, dantzaldia egongo da Tiriki Trauki Fanfarrearekin. 

• 22:00etan, Gabezinek kontzertua eskainiko du Don Eztebe plazan.

Datorren apirilaren 12an, eguerdiko 12:30ean, Gamazadaren antzezpena euskaraz eginen dugu!

Hernanin, Nafarroako Herriberako dance-a: dantza, musika eta antzerki emanaldia.

Ez galdu aukera!

“Izugarri maite dut zu hain aske ikustea eta izutu egiten nau zu hain aske ikusteak, hain zaurgarri, barregarri gelditzeko bezain aske. Beldur naiz batzuetan ume bat bezalakoa zarelako. Zeren beldur naiz? Zer gertatuko da gelditu, arnasa hartu eta ‘ez dakit, ez nago seguru, laguntza behar dut’ erantzuten badut?” Zuk eta biok baditugu honen inguruan (ez) hitz egiteko erritualak. “Bai, joder”, “kaguenlaputa”, “ya, potro”, “atera beste erronda bat”, “baietz ba, joder”...

Biok aldi berean egin dugu oihu, esaldiak bata bestearen atzetik josiz, eta gainerakoak batu egin zaizkigu. Gorputza berotu egin da, tenkatu, eta gero eta indartsuago sentitzen gara, denok, banan-banan, denok bat gara, masa itxuragabe bat, gihar bat gogortuta, gogor estutzen duzu, ahal bezain gogor, hurbil gaude, hurbilegi, hil egin zaitzaket. Hiru gizon ikusiko dituzue eszenatokian, ohikoa baino zerbait gehiago erakutsi nahian. Eskuzabalak izango dira, deserosoak, ausartak. Isilean izango da, ahotsak ahultasuna estaltzen duen lotsaren mintz leuna apurtu arte.

• Egiletza, koreografia, zuzendaritza: Eneko Gil, Koldo Arostegi
• Dantzariak: Eneko Gil, Koldo Arostegi, Peru Galbete

Dantza lan hau Herri Gogoa Euskal Herriko lehen zigilu diskografikoan islatutako mugimendu kultural abangoardista berrinterpretatzeko bultzada gisa sortu da. Zentsura zela eta, zigilu hori inoiz ofizialki existitu ez bazen ere, berrehun diskotik gora argitaratzea lortu zuen, euskal kultura biziberritu eta berritzeko helburuarekin.

Jone San Martin nazioarteko ospea duen dantzari eta sortzaile donostiarrak sortutako koreografiak euskal dantza izan du inspirazio iturri. Horiek aztertzerakoan, antolatzeko eta espazioan "idazteko" modu berriak sortu eta euskal dantzen mekanismoak interprete bakoitzaren eta taldearen sentimendu intimo eta pertsonalagoak adierazteko tresna gisa erabili ditu.

Fitxa artistikoa:

• Zuzendaritza, ekoizpena: Aiert Beobide, Iurre Aranburu
• Koreografia: Jone San Martín, Haatik
• Soinu espazioa: Manu Gaigne
• Dantzariak: Aiert Beobide, Amaiur Luluaga, Iñigo Etxeberria, Itzel Vela, Jon Arsuaga, Leire Romero, Libe Sukia, Nagore Zabala
• Eszenografia: Ikerne Giménez
• Jantzitegia: Ramón García
• Argiztapen diseinua: Arantza Heredia
• Irudia eta komunikazioa: Iurre Aranburu
• Argiztapen teknikaria: Anartz Beobide
• Zerbitzu teknikoak: Eragin Stac

*BLV-Art 2025 jaialdiaren barruan.

Zaila da zerbait iraunkorra eta egonkorra eraikitzea behin behineko egoera batean. Ordea, dinamikaren inertziatik irteteko, beharrezkoa da geldiunea. Geldiunea elkarri begiratzeko. Elkarrengana gerturatzeko ausardiaz betetzeko. Ez-egonkortasunean zerbait egonkorra eraikitzeko konpromisoa hartzeko. Egon ezin daitekeenean ere, hor egoteko moduak bilatzen saiatu ahal izateko.

• Zuzendaritza: Nagore Tamayo Goñi
• Koreografia eta antzezleak: Natalia Belén Fernández, Nagore Tamayo Goñi
• Kanpo begirada: Natalia de Miguel
• Soinu espazioa: Mattin Zeberio Larraza
• Ekoizpena: Nabiga Kolektiboa
• Laguntzak: Dantzan Bilaka, Sortutakoak, Dantzagunea, Azala Kreazio Espazioa, Artium Museoa, La Fundición Bilbao, Garaion Sorgingunea.

*BLV-Art 2025 jaialdiaren barruan.

Apurka-apurka erretzen diren argazkien malenkonia. Akatsa duen biniloan urratzen den doinua... Edozer birrindu, eta horra hor adierazpen- eta sorkuntza-esparru berri bat irekia. Disidentzia-diskurtso oso bat topatzen da, baztertua izan beharrean duintasuna eta presentzia hartzen duen zerbaiten berreskuratzearen diskurtsoa. Eguneroko koreografietan konprimiturik, gorputza bizirauten saiatzen da bere forma agortuz; paisaiak irekitzen dira bere pitzaduretan.

• Koreografia eta antzezlea: Ane Zapirain Gorostegi
• Kanpo begirada: Natalia García Muro
• Laguntzak: Dantzan Bilaka, Mutis Espazioa

Fitxategi erantsirik gabe egoera askotara estrapola daitekeen egoera batez hitz egiten du: jarraibideak falta zaizkizula sentitzea, jarraitu beharreko urratsen gida bat eduki nahi duzula, galduta sentitzen zarela eta dokumentu bat faltan botatzea jakiteko hurrengo urratsa zein den, zuzena zer den, edo zer ate ireki beharko zenukeen. Gonbidapena egiten gaitu onartzeko inoiz ez zaituela inork irakatsiko zure bizitza nola bizi eta zure ahots propioa nola diseinatu. Proiektu honen helburua da publikoarekin kezka horiek partekatzea, eskenatokira hurbiltzea duo bat sortuz eta elkarri laguntzea gure egunerokoan erabakiak etengabe hartzeko dantza honetan.

Fitxa artistikoa: