Agenda

Urtarrilaren 12an hasi eta martxoaren 30ean bukatuko dira 2025ko maskaradak, Altzai-Lakarriko gazteek emanak. Guztira 12 emanaldi izango dira urtarriletik martxora astebururo. Ohitura den moduan lehena eta azkena antolatzaileen herrian izango dira, Lakarrin edo Altzain eta Zuberoako beste 10 herri bisitatuko dituzte.

Maskaradak 2025 Egutegia

• Urtarrilak 12, igandea: Lakarri

• Urtarrilaren 19, igandea: Zalgize

• Urtarrilaren 25, larunbata: Larraine

• Otsailak 1, larunbata: Altzürükü

• Otsailak 9, igandea: Ligi

• Otsailak 15, larunbata: Pagola

• Otsailak 23, igandea: Atharratze

• Martxoak 1, larunbata: Gamere-Zihiga

• Martxoak 9, igandea: Idauze

• Martxoak 15, larunbata: Barkoxe

• Martxoak 23, igandea: Urdiñarbe

• Martxoak 30, igandea: Altzai

Maskaradak inauteriak izanik asko du inprobisaziotik, beraz, ordutegiak egunaren arabera izaten dira, bertaratu aurretik ezin jakin ezer segururik. Ohikoena lehen barrikada 9:00-10:00 bitarte hastea izaten da, baina lasai, ordu horretarako ez bazarete iristen goizean zehar beste hiru edo lau bat egiten dituzte herriko hainbat auzunetan. Emanaldi nagusia edo ofizioak, berriz, bazkal ondorenean hasten dira; herriko plazan edo frontoian normalki, eta aterpe, karpa edo biltegiren batean eguraldi txarra badago. Arizaleen mahai buelta zenbat luzatzen den, horren araberakoa izaten da saioa hasteko ordua. Normalki, 15:00-16:00 bueltan, eta hiru bat ordura luzatu ohia da arratsaldeko emanaldia.

Muxikoak datorren igandean Errenterian, martxoak 9, Beti Prest taldearen eskutik. Hitzordua 12:00etan izango da Herriko Plazan, edo Koldo Mitxelena ikastetxeko patioan euria egiten badu.

Tierra de nadie dantza da, ahotsa, zuzeneko musika, atmosfera poetikoak, natura, emakume-animaliak, gorputz arrotzak, soinu oroitarazleak. Aurkitzeko dagoen leku batean murgiltzea da. Leku ezkutu batera bidaiatzea —norberaren barrenera egindako bidaiaren metafora gisa—, eta gorputz honek ezkutatzen dituen mirariak eta piztiak aurkitzea, ozeanoaren punturik sakonenera jaitsiko bagina bezala, edo munduko lurrik urrunenera iritsiko bagina bezala.

Aurkakoez mintzo da Tierra de nadie, kontraesanez, hasiera-amaierez, gorputz infinituez eta bazterreko espazioez. Eta hurbiltzeaz eta urruntzeaz, distantziaz, ezkutuan dagoenaz, gorputz bat osatzen duten gorputz ezberdinez, edertasunaz eta itsusitasunaz, basatia denaz. Eta apneez eta korronteez, konkistez eta porrotez, eusteaz eta iragazteez.

Baina, beste ezeren gainetik, gorputzaz, gorputzaren lurraldeaz, gorputzaren mugez mintzo da Tierra de nadie. Gorputz neurrigabeaz eta gorputz desordenatuaz.

• Zuzendaritza eta testuak: Eva Guerrero

• Koreografia eta antzezpena: Eva Guerrero eta Garazi Lopez de Armentia

• Sorkuntza musikala eta interpretazioa: Yolanda Bustillo eta Carla Sevilla

• Soinu-giroak: Nerea Alberdi

• Argiztapenaren diseinua: Arantza Heredia

• Jantziak eta arte-zuzendaritza: Azegiñe Urigoitia

• Produkzioa: Jemima Cano

• Dirulaguntza: Eusko Jaurlaritzaren Kultura Saila

• Babeslea: La Nave del Duende-Casar de Cáceres, Kurtzio Kultur Etxea – Sopela, Espacio Punto de Fuga – Bilbo

• Lankidetza: Arriaga Antzokia

Filia et Fobia itxialdi gordinenean inspiratu eta sortua da, sinpletasun aseptiko eta eskultorikoz hornitua; edertasunari eutsi eta berau atzemateko premiaz hitz egiten digu. Madrileko 34. Koreografia Sariketako lehen sari hau eraldatu eta amatatu egiten da Mortarekin, pieza paregabea sortuz, latza eta intentsitate handikoa, kontzientzia astindu eta barkamenari dei egiteko gogoz.
Mortak, barrokoaren pintura-artera garamatzan sinpletasun eta sakontasun batekin, gorpu epelari akonpainamendua egiteko premiaz hitz egiten digu. Edertasuna eta irmotasuna, ikus-entzuleen gogamenean irauten duen irudien formatu batean.
Filia et Fobia & la mort osteratxoa da, zuritik gorrira, bizitzatik heriotzara, kolapsotik errendiziora eta barkamenera; arima mugiarazi eta bere ikusizko ahalmenaren aurrean amore emanda uzten gaituen pieza da.

Fitxa artistikoa:

• Ideia eta zuzendaritza: Olga Alvarez, Jordi Cabestany
• Koreografia-kontzeptua: Olga Alvarez
• Interpreteak: Clio Van Kerm, Marta Pajares, Olga Alvarez, Jordi Cabestany
• Jantziak: La Taimada
• Musika: Johann Sebastian Bach, Carlos Martorell
• Argiztapen- eta eszena-espazioa: La Taimada
• Ikus-entzunezko ekoizpena: Jordi Cabestany, Censet
• Argazkia: La Taimada – Alessia Bombacci – Jorge Perez
• Ekoizpena: La Taimada
• Egoitzak – Lankidetza – Laguntza: Madrileko Dantza Konpainia Nazionala, Nunart, Estruch, La Danseria
• Dirulaguntza: Del Icec , Kataluniako Generalitateko Saila