Agenda

Zenbateraino manipula ditzakegu geure pentsamenduak, errealitatetik ihes egiteko bada?

“Anónimos” dantza eta zirku garaikideko ikuskizun bat da, sentikorra eta poetikoa, paperaren bidez errealitate paralelo bat sortuko duen emakume baten subkontzientean murgiltzen gaituena. Babesleku oniriko bat eratuko du, denboraren joana iragankorra eta arina duena, ahaztuaren nostalgia ekartzeko.

Eszenaratze berritzailea duen obra bat da, dantza, akrobaziak, oreka eta objektu fantastikoen zein txotxongilo surrealisten manipulazioa uztartzen dituena, bakardadeari buruzko beste ikuspegi bat proposatzen digun mundu hauskor eta tragikomiko batean sar gaitezen.

• Jatorrizko Ideia: Rauxa Cia.
• Zuzendaritza Eta Dramaturgia: Xavi Sánchez.
• Antzezlea: Analía Serenelli.
• Objektuak Eta Asmakizunak: Xavi Sánchez.
• Musika: Jesús Acebedo.
• Iraupena: 45′.
• Ikuslea: +8 Urte.
• Hizkuntza: Testurik Gabe.

Bezperan neguko arratsalde batean beila batekin hasten da. Antzinako tradizio bati jarraituz, erleak dira heriotza baten berri jasotzen lehenak, lasai gera daitezen, joan ez daitezen eta eztia ekoizten jarrai dezaten. Negua hil da, lurra esnatzeko ordua da, lurrari erregutzeko ordua. Euskal Herrian, jainko-jainkosak ez daude zeruan, lur azpian baizik. Izerdia gora doa, eta naturari bizia ematen dio. Zainetan barrena lasterka doan eta lur desiratu hau gainezkatzen duen odol bizia. Bizi, maitatu eta dantza egin behar da urtaro berria ospatzeko. Natura Euskal Herriaren ariman dago. Euskal arte, kantu, musika, poesia eta dantza molde guztien inspirazio iturria da. Sinesmen, kondaira eta tradizioen oinarria da. Lurraren, pertsonen eta espirituen arteko lotura estua ehuntzen du.

Baionan finkatua, Euskal Herriko dantza eta musika tradizionalaren luzapen garaikidean lan egiten duen artista kolektiboa da Bilaka. Oraingo honetan, Daniel San Pedrorekin, piezaren zuzendariarekin, aritu da lankidetzan, eta sentsibilitate artistiko bera dute biek.

• Jatorrizko Ideia: Arthur Barat, Zibel Damestoy, Xabi Etcheverry, Daniel San Pedro

• Zuzendaritza Artistikoa: Daniel San Pedro

• Dantzariak: Izar Aizpuru, Arthur Barat, Zibel Damestoy, Ioritz Galarraga, Oihan Indart, Ioar Labat, Maialen Marriezkurrena Artola, Aimar Odriozola

• Musikariak: Patxi Amulet, Xabi Etcheverry, Stéphane Garin, Paxkal Irigoyen