Agenda

Amasako San Martin jaietan soka-dantza dantzatzen dute herriko gazteek. Hona hemen eguneko egitaraua:

• 6:00etan gazteen gosaria Amasa kafetegian, trikitilariekin. Ondoren, baserriz baserri eskea eta dantza soltea.

• 14:30ean Gazteen bazkaria Uxo-toki elkartean.

• 17:00etan Soka-dantza eta aurreskua plazan.

• 21:00etan Gazteen afaria Iturri-goxo jatetxean.

*2025eko Labo XL jaialdiaren barne.

EKI programa artistikoaren esker egindako lanaren emaitza. Laguntza hau jaialdiak berak ematen du Tabakaleraren parte-hartzearekin.

Ez gintuzten aipatu baina baginen; ez ginen ageri baina hor geunden. Tradizioa eta arbasoen istorioak egungo sorkuntzara ekarriz, musika, hitz eta mugimenduarekin zaurgarritasunean sendotasuna eraikiz.

Fitxa artistikoa:

• Antzezleak, testuak: Garazi Egiguren, Ines Osinaga
• Musika: Ines Osinaga
• Koreografia: Garazi Egiguren

Mintegia + atsedena + dantzaldia

• Gaurko lanketa-gaiak: ingurutxoen sistema plazako dantzan + jauziak (II)
• Parte-hartzea: 10,00 euro
• Laguntzaileak: Kemen DT eta Eraiki DT

Info:

Plazako dantza tradizionala: kalitatean sakontzen 2025-2026

Izena emateko:

bete ondorengo formularioa

*2025eko Labo XL jaialdiaren barne.

AIDEKO egonaldi artistikoan egindako lanaren erakustaldia. Egonladi hau jaialdiak berak ematen du Atopémonos Bailando-rekin batera eta Dantzagunearekin lankidetzan. 

Autozainketa emozionala da sormen-prozesu honen ardatz nagusia. Bere kontakizunaren bidez zehaztuko du nork bere burua ondo maitatzearen garrantzia, nork bere burua onartzearen garrantzia.

Fitxa artistikoa:

• Koreografia eta zuzendaritza: Fran Sieira
• Laguntza: Gena Baamonde, Andrea Quintana
• Jantziak: Érica Oubiña

*2025eko Labo XL jaialdiaren barne.

SORTUTAKOAK egonaldi artistikoaren zehar egindako lanaren erakustaldia. Gipuzkoako Dantzagunearekin lankidetzan.

Mmmmmmmmunduko hizkuntza ia guztietan, “ama” adierazten duen hitzak “m” dauka. Horregatik, pertsona gehienen ahotsa letra horren bitartez azaleratzen da. Soinua, ahotsa dira lehenengo mugimendua.

Fitxa artistikoa:

• Antzezleak: Arantza Iglesias, Ane Garcia

Led Silhouette dantza konpainia Lesakan kokatzen da eta Jon Lopez eta Martxel Rodriguez ditu sustatzaile. Dantza garaikidea sortzen dute eta Laban eszenaratuko duten pieza Marcos Morau koreografo handiarekin batera sortu dute. 

“Bi zakur Gaztelu plazan” koreografian bi gizon besarkatuta azaltzen dira. Dantzan ari diren bi gizon belar hezearen gainean edo kupula izartsuaren azpian. Pasio-dantza baten hedapena, bere zentzurik garbiena errepikapenean eta katarsian: akitu arte dantzatzea, abaildu arte zaunka egitea, hil arte bizi. Bi gizon dantzan, dena amaitu eta dena berriz hasi arte.

90eko hamarkadatik hona hamaika gerra eta krisialdi jasan ditugu, eta gure giza-harremanak zalantzan jarri dituzte. Suminduraz eta zalantzaz beteriko aro berria dugu. Sortzaileen funtzioa kolokan jarri da egoera honen aurrean. Dantza honetan gorputza eta mugimendua hozkada, zaunka, erreminta… gisa aurkezten dira. Babes-ezkutu bat izango balitz bezala.

Dantza erabiltzen dute mundua ulertu ahal izateko. Oihu ozen bat hedatzen dute, testuinguru berri bat bilatzeko. Horra hor aurrera egiteko borrokan ari den belaunaldi baten amorrua.