Agenda

Olatz Egia eta Mar Espona dantzaren eta antzerkiaren bidez maitasun erromantikoaren mitoak zalantzan jartzen dituzten bi sortzaile dira, eta beraien proiektuak "2 ONE LOVE" maitasunaren kontzeptua umorea eta absurdua erabiliz lantzen du. Sortzaile hasiberriak dira eta haien proposamenak publikoari maitasun erromantikoari buruzko ideiak islatzeko aukera eskaintzen dio, umorez eta absurduz birformulatu nahian. 

•     Proiektua: "2 ONE LOVE".
•     Egileak: Olatz Egia eta Mar Espona.
•     Genero: Dantzaren eta antzerkiaren fusioa.
•     Gaia: Maitasun erromantikoaren mitoak, umorearen eta absurduaren bidez birformulatuz. 

LASALAk, Judith Argomanizek zuzentzen duen dantza garaikideko konpainiak, 10 urte betetzen ditu aurten. 2013an sortu zenetik, konpainia etengabeko araketan ari da hizkuntza fisiko bat eta egungo estetika bat sortzeko helburuz, taldearen kezkak islatzeko eta kezka horiei erantzuteko. Ibilbide betea eta aberasgarria, zeinari esker hizkuntza koreografiko sendoa lortu baitu, konpainiaren bereizgarria, ezbairik gabe. LASALAren bilakaera beraren obretan ikus daiteke. Ikuskizun honetan, piezarik enblematikoenez gozatuko dugu, bidaia bat izango baita ikus-entzuleentzat, hasieratik gaur egun arte.

Konpainiari bere lana aitortu zaio bai Euskadin eta bai Espainiako Estatuan, bai Europan eta bai Taiwanen edo Kanadan, esaterako, haraino iritsi baitira LASALA proiektu koreografikoaren uhinak.