Agenda

Urtarrilaren 12an hasi eta martxoaren 30ean bukatuko dira 2025ko maskaradak, Altzai-Lakarriko gazteek emanak. Guztira 12 emanaldi izango dira urtarriletik martxora astebururo. Ohitura den moduan lehena eta azkena antolatzaileen herrian izango dira, Lakarrin edo Altzain eta Zuberoako beste 10 herri bisitatuko dituzte.

Maskaradak 2025 Egutegia

• Urtarrilak 12, igandea: Lakarri

• Urtarrilaren 19, igandea: Zalgize

• Urtarrilaren 25, larunbata: Larraine

• Otsailak 1, larunbata: Altzürükü

• Otsailak 9, igandea: Ligi

• Otsailak 15, larunbata: Pagola

• Otsailak 23, igandea: Atharratze

• Martxoak 1, larunbata: Gamere-Zihiga

• Martxoak 9, igandea: Idauze

• Martxoak 15, larunbata: Barkoxe

• Martxoak 23, igandea: Urdiñarbe

• Martxoak 30, igandea: Altzai

Maskaradak inauteriak izanik asko du inprobisaziotik, beraz, ordutegiak egunaren arabera izaten dira, bertaratu aurretik ezin jakin ezer segururik. Ohikoena lehen barrikada 9:00-10:00 bitarte hastea izaten da, baina lasai, ordu horretarako ez bazarete iristen goizean zehar beste hiru edo lau bat egiten dituzte herriko hainbat auzunetan. Emanaldi nagusia edo ofizioak, berriz, bazkal ondorenean hasten dira; herriko plazan edo frontoian normalki, eta aterpe, karpa edo biltegiren batean eguraldi txarra badago. Arizaleen mahai buelta zenbat luzatzen den, horren araberakoa izaten da saioa hasteko ordua. Normalki, 15:00-16:00 bueltan, eta hiru bat ordura luzatu ohia da arratsaldeko emanaldia.

*2025eko DanZ. Dantza-Espazioa jaialdiaren barne.

Bi saio: 10:30 + 12:00

Closka esperientzia eszeniko bat da, umetxoak eta helduak gogoetan murgiltzeko, dela edertasunari buruz, dela unibertsoko gure txokoan bizitzeko ardurari buruz.

Bidaia hunkigarri eta liluragarri baten bitartez, Ka eta Clos pertsonaiek Closkaren istorioa azalduko dute, hots, zalantzaz beteriko eginkizun arriskutsu batean sarturik dabilen dortoka, etxera itzultzeko bidea aurkitu nahian.

• 2-4 urte, heldu batek lagunduta (gehienez heldu bat umetxo bakoitzarekin)
• Norberak berek sarrerarekin sartu behar du (hala helduek nola umetxoek)

* 2025eko DanZ. Dantza-Espazioa jaialdiaren barne.

Gorputzaren bidez partekatzeko eta adierazten jarraitzeko. ATALAKen Iruditeria Posibleak lantegia publikoarekin topatzeko gunea da, eta, era berean, lantegiko hiru saioetan parte hartu duen jendearen esperientziak erakusteko gunea ere.

Monica Valenciano dantzari eta koreografoak, gure dantzako figura esanguratsuenetako batek, denboraren memoriari buruzko performance batekin bisitatuko gaitu.Oroimenaren leku batean, aurreko urratsak orainaldian entzuten dira, espazio potentzial batean, presentzia aparizioko leku gorputza mugitzen da dakarrenak eramanda, ahotsen polifonia bat ahotsean.Dei bat gure artean jolasten den lekuan, sutan dagoen hizkuntza entzuten dugu, galdera hondatuak haren galbidea dantzatzen du... aldi berean ezagutzen ez ditugun garai bateko larrialdiak."gisa gertatzen da, zerbait dator bilbe taupakari horretan… denborak eteten dituen urratsen artean.

2025eko urtarrilaren 25ean, Donostiako Victoria Eugenia Antzokiak egitarau berezia eta errepikaezina hartuko du: Agurra. Programa honek Quorum, Europan zehar ibili den Hilde Koch donostiarraren lanaren azken funtzioarekin ziklo bat itxiko du eta Eres lan berri eta esanahiz betearen mundu mailako estreinaldia hartuko du, abesbatza bat zuzenean izatearen berezitasunarekin.

Quorum

Quorumek giza harremanen izaera aztertzen du, lau elementuak – ura, sua, airea eta lurra – antzinako eta esanahiz beteriko mundu baten sinbolo gisa gogora ekarriz.

Lan honek dantza, musika, moda jasangarria eta argiztapen diseinua batzen ditu.

• Koreografia: Hilde Koch, Dantzaz
• Jatorrizko musika: Paula Olaz
• Argiztapena: Alaine Arzoz
• Jantziak: Tytti Thusberg

Eres (Mundu mailako estreinaldia)

Eres Martin Inthamoussu koreografo uruguaitarraren sorkuntza berri bat da, migrazioen eta identitatearen errealitateetan murgiltzen dena, erreferentzia gisa 2016an sortutako aurretiko proiektu bat hartuta. Enrique Azurzak zuzendutako Kea zuzeneko abesbatza ezagunarekin, Eresek bere emanaldietako bakoitzean tokiko komunitatea integratzea bilatuko du biratik ateratzen denean, obra esperientzia bizia eta etengabe aldatzen ari dena bilakatuz.

• Koreografia: Martin Inthamoussu
• Zuzendaritza musikala: Enrique Azurza
• Abesbatza: KEA
• Sorkuntza-erresidentzia: Dantzagunea (Errenteria)

OHARRA: