Dantzan 2024/02/01

<p>Sei herri eta hamar dantza talde batu ziren 2023ko Durangaldeko Ezpata-dantzari Egunean. Abadiñon egin zen erakustaldia eta honako taldeak aritu ziren dantzan: Abadiñoko Talde Batuak, Berrizko Iremiñe eta San Lorentzo, Durangoko Kriskitin, Tronperri eta Txoritxu Alai, Iurretako dantzariak, Mallabiko Gazte Alai eta Zornotzako Udabarri. Dantzari-dantzako bederatzi piezak dantzatu zituzten eta soka-dantza edo erregelekin bukatu zuten plazako saioa. Eta eguna eta gaua Oxabi taldearekin eginiko poteo musikatuan borobildu zuten Durangaldeko dantzariek eta txistulariek. Argazkiak: Txelu Angoitia / Gerediaga elkarteko dokumentategia. Durangaldeko Ezpata-dantzari Eguna, Abadiño, 2023-09-23.</p>

Gehiago irakurri →

Dantzan 2024/01/29

<p>Gaurko eta biharko egun handien aurretik asteburuan ere atera dira joaldunak eta mozorroak Malerrekan. Puska biltzean ibili dira igandean Iturenen joaldunak eta mozorroak musikari taldeak lagunduta. Lehen itzuliak frontoiak egin dituzte, ondoren, Latsagara, eta errepide nagusira irtenda plazara itzuli dira. Jarraian, Tresanea ostatura bisita eta berriro plazara. Argazkiak: Maite Irizar. Joaldunak eta mozorroak, puska biltzea, Ituren, 2024-01-28.</p>

Gehiago irakurri →