Dantzan 2025/09/26

Argiaren zuzendaritzapean Gipuzkoako hainbat dantza taldetako ordezkariek ezpata-dantza kaleratu dute Ipuscua izenaren lehen aipamenaren 1000. urteurrena ospatzeko Gipuzkoako Diputazioak antolatutako programazioan. Parte Zaharreko auzune nagusietan egin dute geldialdi bana: Andre Maria eta San Bizente elizetan. Jarraian, Plaza Berrian izan da saio nagusia; ezpata-dantzaz gain, brokel-dantzaren zikloko zenbait dantza eta soka-dantza plazaratu dituzte. Donostiako Argia, Antiguotarrak, Añorgako Arkaitz, Elgoibarko Haritz, Debako Gure-Kai eta Eibarko Kezka dantza taldeko dantzariak aritu dira. Argazkiak: Gorka Bravo. Ezpata-dantza, Ipuskoa 1000 urte, Donostia, 2025-06-28.

Gehiago irakurri →

Dantzan 2025/09/25

1989an estreinatu zuen ikuskizuna berriro oholtzaratu du Argia dantzari taldeak. Oraingoa honetan, San Telmo Museoko elizan, Gipuzkoako Diputazioak antolatutako Ipuskoaren 1000 urteurrenean. 70etik gora dantzarik eta 15 bat musikarik hartu dute parte pastoralen egituran inspiratuta dantzaren bidez kontatzen den istorioan. Juan Antonio Urbeltzen koreografia eta Marian Arregiren musika-moldaketekin osatutako ikusgarrian hainbat taldetako kideek hartu dute parte: Argia (Donostia), Duguna (Iruñea), Kezka (Eibar), Elai-alai (Portugalete), Gure-kai (Deba), Haritz (Elgoibar), Antiguotarrak (Antiguo), Astigar (Astigarraga), Arkaitz (Añorga). Argazkiak: Gorka Bravo. Muriska, Argia, Donostia, 2025-06-28.

Gehiago irakurri →