Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Udaberri Dantza Taldea 50. urteurrena

Dokumentuaren akzioak

50. urteurrena

Tolosako Udaberri dantza taldekoak, aurten taldearen 50. urteurrena ospatzen ari gara. Jadanik hainbat ekitaldi burutu ditugu, baina oraindik beste asko daude burutzeke.

Dagoeneko erakusketa, dantzari txikia, erromeria eta kanpoko dantza taldeen emanaldi bat egin dira.

  1. Erkusketa: Erakusketari dagokionez, taldeko historia guztian bildu diren hainbat eta hainbat argazki izan ziren ikusgai Tolosako kutur etxean Otsailean zehar. Generazio zahar zein berrien argazkiak, batzuk txuri-beltzean, besteak koloretan... Denetarik ikusi ahal izan zen, ez bakarrik dantzari buruzkoak, baita afari, despedida...-tan ateratako argazkiak.
  2. Dantzari txikia: Martxoaren 31ean ospatu zen eta Tolosako kaleetan zehar 200 haur dantzari ibili ziren abzter guztiak alaitzen. Galdakaoko Andra Mari, Portugaleteko Berriztasuna, Gasteizko Adurtza eta Eguzkilore, Leitzako Aurrera eta Tolosako Udaberri dantza taldeak aritu ziren. Goizean kalejira jendetsu bat egin zen eta arratsaldean emanaldia, baino emanaldiaren erdian eguraldiak ezezkoa esan eta bertan behera utzi behar izan genuen emanaldia. Euriak aparizioa egin behar izan zuen.Ala ere egunaren balorazioa oso ona izan zen.
  3. Erromeria: Dantzari txikia amaitutakoan erromeriari hasiera eman zitzaion, triki-poteo baten bitartez. Ondoren afaria izan zen eta dantzaldia Patxi Perez-en laguntzarekin. Nahiz eta oso jendetsua ez izan, giro alaia eta dantzatzeko gogo asko zeudenez festa politta izan zen.
  4. Kanpoko dantza taldeen emanaldia: joan den asteburuan izan zen, Galdakaoko Andra Mari dantza taldea eta Maule eta Arrokiagako dantzariak izan ziren gonbidatuak. Jende gutxi hurbildu zen Beotibar pilotalekura baino ala ere  bertan zirenak gozatu ederra hartu zuten Bizakaiko zein Xuberoako dantza sorta ederrekin.

Hemendik aurrera, hainbat ekintza daude aurreikusirik, alanola, bertso-afaria eta urteurrenari amaiera emateko emanaldi nagusia.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Udaberri Dantza Taldea

Udaberri Dantza Taldea

Udaberri Dantzari Taldea 1957an sortu zen Euskal Herriko herri-kultura eta tradizioaren zati bat kontserbatu eta ezagutzera emateko, batez ere dantza eta doinu herrikoien esparruan. Lan horren bidez, Tolosan garai hartan euskal kulturaren eremuan zegoen hutsunea bete nahi izan genuen. Urteak aurrera joan ziren neurrian, konpromiso berriak hartu zituen taldeak, eta horren ondorioz, ahaztuta zeuden dantzak berreskuratzeko asmotan, zenbait ikerketa-lan burutu zituzten orduko taldekideek. 

Horrela, dantza horiek jaso eta jendaurrean erakusten aritu izan da Udaberri urteotan. Tolosaldean aritzeaz gain, gure mugetatik atera eta ikerketa horiek emandako fruituak Euskal Herri osoan erakutsi ditugu, eta, era berean, Espainiako hainbat jaialditan (Jaca, Salamanca, Córdoba, Gijón, Santiago de Compostela, Lugo, Gurrea de Gállego,…). Europan zehar ere jardun gara gure herriko kulturaren berri ematen: lehenbizi, Herbeheretan eta geroztik, Alemania, Irlanda, Txekiar Errepublika, Belgika eta beste toki askotan.

Bestalde, urteetan zeharreko esperientziak erakutsi zigun taldeak dantza-eskola bat sortzeko zuen beharra. Euskal dantzen tailer eta ikastaroen bidez, haur, gazte eta helduei euskal dantzen oinarria transmititzen saiatzen gara, egungo helduen talderako bidea urratuz sarri askotan.

 

90. hamarkadara iritsita, garai berrietara eta ikusleen irriketara egokitzeko beharra sumatu zuen taldeak. Horrela, taldeko hainbat kidek egindako ikerketa eta lan gogorraren ondorioz, Xirulikan ikuskizuna eskaini zen 1992ko abenduan. Argiek, soinuak eta ikus-entzunezko beste baliabide batzuek osotasun bat eginez, dantzen berezko esanahia erakutsi eta nabarmendu nahi izan zen estetika xeheki zainduz.

Arrakasta handia izan zuen ikuskizunak, eta ondorioz, 1993an Xirulikan berriro prestatu eta eskaintzea erabaki zuen taldeak.

Pentsamolde eta lan-jarduera berari eutsiz, eskenatokiko irudia hobetzeko erabakia hartu zen. Horretarako jarraibide batzuk ezarri genituen: tradiziozko jantziak bere horretan hartu eta berritzea, dantzariak eskenatokiko lanerako prestatzea, etab. Lan horren emaitza 2000. urteko Gabonetan eskaini genuen Iruditan ikuskizuna izan zen, eta aurrekoa bezala, oso arrakastatsua izan zen. Herriko dantzak jazzarekin eta antzerkiarekin bat egiten zuten ikuskizun honetan.

Aipaturiko bi ikuskarietan bildutako esperientzia abiapuntu hartuta eta Udaberriko kideen sen berritzaileak bultzatuta, taldeak ordura arte egiten zituen ohiko emanaldien moldea hautsi eta kutsu berritzailea zuten ikuskizunak antolatzen hasi zen. Geroztik, taldeak bere dantzak formaren aldetik beste modu batera eskaini zituen, euskal erromeria eta herri bazkaria oinarritzat hartuta.

Gauza orok bere zikloak dituenez, Udaberri Dantzari Taldearen aro arrakastatsu honen ondoren, belaunaldi aldaketa etorri zen halabeharrez. Ikastaroetako gaztetxoak ordura arte ikasitakoa hobetzen hasi ziren, eta euren dantza-errepertorioa zabaltzen. Bizpahiru urteren buruan, taldea erabat aldatu zen. Gaur egun, dantza talde gaztea gara, eta lanean dihardugu noizbait gure aurrekoek lortu zutena errepikatzeko grinaz, Euskal Herri osoko dantza eta musikak ezagutuz.

Jasotako azken erantzunak