Dokumentuaren akzioak
Marian Arregiren ekarpenak balioan
Puntapioa
Marian Arregi, 2010-12-18. Argazkia: Oier Araolaza - Dantzan CC-BY-SA
Bizitza bat, euskal musika eta dantza tradizionalari eskainia. Marian Arregiren lana eta ibilbidea gogoratu ditu Idurre Eskisabel-ek Radio Euskadiko Graffiti saioan. Bereziki dantzarako musika berreskuratu du Arregik, baina melodia propioak ere sortu ditu, Argia taldearen azken ikuskizunean aurkeztu den Baldorbako boleroa esaterako. 2017an, Arregi hil baino hilabete batzuk lehentxeago, estreinatu zuten Martin Zalakain ikuskizuna. Bertan, Marian Arregi musika zuzentzen aritu da seme Mikel Urbeltzekin batera.
Idurre Eskisabelen esanetan, Marian Arregik sentsibilitate eta memoria pribilegiatua zituen eta ezagutu zutenen esanetan, gaitasun musikal ikaragarria zuen, besteak beste melodiak entzun eta gero gogoratzeko gaitasun aparta. Marian Arregik euskal tradizioko errepertorio musikala jaso eta egungo transmisio moduetara ekarri ditu, Juan Antonio Urbeltzekin batera egin duen mende erdiko ibilbide artistiko oparoan.
Grafiti irratsaioan Marian Arregiren eskusoinua entzuteaz gain, bere hitzak bere ahotik jarri dituzte, irratiko grabaketak arakatu ondoren Urrezko domina eman zitzaienean egindako elkarrizketa baten zatia jaso dute.
Nabarmendu nahi izan dute gazte gaztetatik erakutsi zuela musikarako eta dantzarako dohaina. Arregiren ibilbidean, Trio Kemen-ekin eta Goizaldi eta Argia dantza taldeekin egindako lana azpimarratu du Eskisabelek.
Irratsaioa: La huella de Marian Arregi (Radio Eukadi, Graffiti saioa, 2018-11-22). Hizlariak: Idurre Eskisabel eta Galder Perez.
Dokumentuaren akzioak
Erantzun
Puntapioa
Eguneroko prentsa artaziekin begiratzen duzunean.
Jasotako azken erantzunak
- Oier Araolaza on Sabin Bikandi: "Gizakiak berezkoa du dantza egitea, baina gure gizartean zikiratu egin dugu erantzun hori"
- Oier Araolaza on Sabin Bikandi: "Gizakiak berezkoa du dantza egitea, baina gure gizartean zikiratu egin dugu erantzun hori"
- Xabier Etxabe on Sabin Bikandi: "Gizakiak berezkoa du dantza egitea, baina gure gizartean zikiratu egin dugu erantzun hori"
- trabudua uriarte on Sabin Bikandi: "Gizakiak berezkoa du dantza egitea, baina gure gizartean zikiratu egin dugu erantzun hori"
- trabudua uriarte on Sabin Bikandi: "Gizakiak berezkoa du dantza egitea, baina gure gizartean zikiratu egin dugu erantzun hori"
- Oier Araolaza on Dantza hitz egiten dugu
- Aritz Ibañez Lusarreta on Dantza hitz egiten dugu
- Oier Araolaza on Ez dago aurreskurik sokarik gabe 2019/12/16
- Patxi Montero on Ez dago aurreskurik sokarik gabe 2019/12/16
